Uyuhana 16

1

2

3

4

5

6

7

8

9

10

11

12

13

14

15

16

17

18

19

20

21

¹Ma buka shi ti mumum tigeme kati awu shi iri zizi.

²Adi suso shi ayimo udenge unonzo Asere, ane ani uganiya u eze sa kasi mazinu wuza Asere katuma kani.

³Wadi wuza timummum tigino me, barki wa rusa me aco me ba wda rusa mi ba. Tize tigino me sa ma buka shi, barki inka uganiya uwe me wa eye, irusin we ikuri irusi ma buka ski.

⁴Timumum tigino me daki ma buki shi dati utuba ba, barki mazi nigo me na shi.

⁵Ana me in haka uhana ahira sa ma tuma mini, anyimo ashi me daki uye ma ikom uhaza abani?

⁶A ani barki sa ma buka shi tize, muriba mushi ma corzino me.

⁷A ani inboo shi kadure; ya wuna uri in dusa inka da ma dusa ba, unu benki mada aye ahira ashi ba inka ma dusa idi ka tuburko shi me.

⁸Me sa ma eze, uganiya sa ma aye madi karti uwuza imum izenzen anyimo unee in kadure.

⁹Asese imum izenzen, barki sa da wa nya muriba ahir am ba.

¹⁰Ahira a kadure barki sa ma hana ahira aco, ida ka iram ba.

¹¹Ahira uzatu urusa, barka sa anya ugomo unee ugeme uzatu rusa.

¹²Izinu kasu utize sa idi boo shi idaki irusi tini ana ba.

¹³Uganiya sa me, bibe bikadure ba aye, bidi tarsa inshi vat anyimo akadure; Bi da rizo inice nume ba ibinani imum be sa ma kunna ine ini madi buki, madi buki shi imumbe sa i eze.

¹⁴Madi nonzikom; anyimo imum im madi kabi, ma buki shi.

¹⁵Ibinani imum vat sa aco mazini, im ini barki ane ani ma buka, anyimo im ini makabsa madi boosgi.

¹⁶Uganiya u eze cingilin, ida ka ira ni miba, inka adandankino cingilin, ikuri irim.

¹⁷Aye anyimo ahana akatuma kameme wa gu acece awe me, nyanini ma gusan duru anime adandandankino cigilin, ida kur irimmba; inka kuri adandankino idi kuri irim barki in haka uhana ahira aco?

¹⁸Wa kuri wagu, nyanini ma boo anime ika adndankino cingikin? Tintaduru imum mesa mazinu boo me ba.

¹⁹Yeso ma rusi wa nyara wa iki me, magun we, izini igino acece shi imum besa ma boo, iki adandankino cingilin ida ka irani ba.

²⁰Kadure, kadure, in gusa shi idi shi i mu ruba mushi mu di bezi, unee udi wuzi aburu arum; mu riba mu shi mudi bezi, ubezi uriba mushi udi kuri muriba murum.

²¹Uganiya sa uneh madi zini jasi uyo madi zini riba abiti barki uganiya um wa ate; ugana sa vana ma suru mada ringi me ijasi sa wuza ba, barki iriba irum ivana sa ayo anyimo unee.

²²Shi ana me izin muruba mu bit ana me idi kuri in iri shi, muriba mushi me tumi, muriba murum mushi me ibina irani ba.

²³Anyimo uwui ugino me ida nimi iri imum ba, kadure kadure ingusa shi inka ya iko ko nyanini ahira aco madi nya shi anyimo aniza num.

²⁴Daki ya mu iko iri imum anyimo anza num bai nyara ni idi kabi, barki iriba irum ishime imyinca.

²⁵Timumum ti ginome ma booshi unu basa uganiya u eze sa adaka buka shi tize unu bata ba, indi nya shi abanga aco kandavi ma kunna .

²⁶Anyimo uwui uginome idi nyari imum anyimo aniza num, da ma gu nan shi idi wu biringara ahira aco bark shi ba.

²⁷Aco me inice nume ma zinu su ushi, barki sa ya wuna usu um ya hem ma suro ahira aco.

²⁸Ma suro anyimo aco, ma biki anyimo ahira izinu ceki unee in hana ahira aco.

²⁹Ahana akatuma kameme wagu ane ani, ana ani ya poko tize azo ubasa uni uzin ba. Ana me ta rusa urusa timumum vat, uda nyara we uye ma iki we ba;

³⁰Ana me ta urusa wa suro ahira Asere.

³¹Yeso ma kabirka we, magu ana me ya kaba Asere?

³²Irani uganiya u eze, wa mu aye idi sa mara konda vi madi tarsi ume idi cekum isisis im; azo mi isis im ini ba, aco mazi nan mi.

³³Ma buka shi timumum tigeme barki anyimo am ya kem utoto umu riba, anyimo unee ya zito ana me wuza mu riba mu rum, unee vat um uni.