Ɩsekiyɛɛlɩ 26

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

¹Ḿpʋ́ɣʋ́ Ɩsɛɣɛlɩ nyǝ́mɑ kuuu wɑɑlɩ, pǝnɑɣɑ nɑɑnʋwɑ nɑ kʋlʋmɑɣɑ nyǝŋkɑ. Ɩsɔtʋ kʋyɑkʋ kɑncɑɑlɑɣɑ nyǝŋkʋ wule. Tɑcɑɑ heelɑ Ɩsekiyɛɛlɩ mɑ́ sɩ:

²Yʋlʋ nyɑ́, timpi Tiii nyǝ́mɑ woŋɑ Yosɑlɛm ɩcɑtɛ nɑ pɑ́ kpɑlǝsɩ sɩ, yɛɛ, pǝ tɩɩ wɑkǝlɑ ɩcɑtɛ nte tǝ tɑɑ yǝlɑɑ tǝŋɑɣɑnɑ tɔ. Pɑɑ kpɑɣɑ tǝ kʋlɑpǝlɛ, pɑɑ tɑsɑ toŋ sʋʋʋ. Mpi tɔ, Yosɑlɛm pǝsɑ ncɑɑlɛ kɛ nɔɔnɔɔ.

³Mɑ sǝŋɑ Tiii nyǝ́mɑ mɛ mǝ tɔɔ kɛ́. Mɑɑ yele nɑ piitimnɑɑ tuutuumɑ kʋlɩ mǝ tɔɔ, ɩsɩɩ teŋku lʋm huukuɣu tɔ.

⁴Pɑɑ yɔkɩ Tiii ɩcɑtɛ koloosi, nɑ pɑ́ hu mǝ ɑtɛ nɑ ɩsɔ kutuluŋ. Ɩlɛnɑ mɑ́ pɑɑlɩ ɩcɑtɛ tɛtʋ nɑ pǝ́ yele ɑtɛ kʋkpɑmʋɣʋ.

⁵Tɩɩ pǝsɩ lonte nte tǝ tɑɑ tiinɑ kpɑlɑɑ leŋ pɑ puluŋ kɛ teŋku tɑɑ tɔ. Piitimnɑɑ kɑ́ tɔɣɔnɑ-tɛ. Mpi tɔ, mɑɣɑ Tɑcɑɑ mɑ́ yɔɣɔtǝnɑ.

⁶Ɩlɛnɑ pɑ́ kʋ́ tǝ cɔlɔ ɑcɑlɛɛ nɑ lɑɣɑtɛ. Wɑɑtʋ ɩnǝɣɩ ɩ́ kɑ nyɩ sɩ mɑɣɑlɛ Tɑcɑɑ.

⁷Mpi tɔ, Tɑcɑɑ Ɩsɔ yɔɣɔtɑɑ kɛ́ sɩ: Mɑɑ yele nɑ ilim ntɔɣɔŋ tɔɔ Pɑpiloni wulɑʋ Nepukɑnɛsɑɑ, wei ɩ kɛ́ ɑwulɑɑ wulɑʋ tɔ, ɩ́ nɑ ɩ kpɑɣɑnǝŋ nɑ ɩ cɑɣɑlɑɑ, nɑ ɩ yoou kɛɛkɛnɑɑ pɑ́ kpeɣeli nɑ pɑ́ wɛɛ yǝlɑɑ tuutuumɑ, nɑ pɑ́ tii Tiii nyǝ́mɑ tɔɔ.

⁸Pɑɑ kʋ́ ɑcɑlɛɛ nnɑ ɑ cɔɔnɑ Tiii ɩcɑtɛ kɛ teŋku kʋteŋ tɔɔ tɔ nɑ lɑɣɑtɛ. Kolontunɑɑ kɑ́ hɛɛ lɔɔŋ nɑ pɑ́ lo hɑpɛɛ tɑkɑ, nɑ pɑ́ wɛɛ ɩsɩɩ koluŋɑ kʋkentɑɣɑ.

⁹Pɑɑ mɑ pɑ yoou ɩtuule kɛ mǝ ɩcɑtɛ koluŋɑ. Pɑɑ tusi mǝ ɑtɛ nɑ ɩsɔ kutuluŋ nɑ pɑ yoou wontu.

¹⁰Pɑ kpɑɣɑnǝŋ tuutuumɑ mʋsʋɣʋ kɑ́ wɑɑsɩ mǝ tɔɔ. Ɩ cɑɣɑlɑɑ nɑ pɑ yoou kɛɛkɛnɑɑ kɔkɔtɛ kɑ́ ciɣiti mǝ koloosi. Wɑɑtʋ ɩnǝɣɩ pɑɑ sʋʋnɑ mǝ ɩcɑtɛ nɔnɔɔsɩ, ɩsɩɩ pɑ sʋʋkʋɣʋ ɩcɑtɛ nte pɑ lɛɛkɑɑ tɔ tǝ tɑɑ tɔ.

¹¹Pɑɑ fɛlɩ mǝ hɑpɛɛ tǝnɑ tɔɔ nɑ pɑ kpɑɣɑnǝŋ ɑcʋwɑ. Pɑɑ kʋ́ mǝ ɩcɑtɛ yǝlɑɑ nɑ lɑɣɑtɛ. Pɑɑ pɛtɩ mǝ tǝlɑɑlɛ ɑkelenɑɑ mpɑ pɑ hʋlǝɣɩ sɩ ɩ́ wɛnɑ toŋ tɔɣɔ ɑtɛ.

¹²Ɩlɛnɑ pɑ́ ŋmɩɩlɩ mǝ wɛnɑʋ nɑ pɑ́ kuu mǝ kɑtɑɑtɑɣɑ wontu. Pɑɑ yɔkɩ mǝ ɩcɑtɛ koluŋɑ, nɑ pɑ́ tusi mǝ tɛɛsɩ kɑcɔkɑ nyǝnsɩ. Pɑɑ pɛtɩ teŋku tɑɑ kɛ́ pɛɛ nɑ pǝ tɑɑsɩ nɑ pǝ tɛtʋ.

¹³Mɑɑ sɩɩ tǝnɑɣɑ kɛ mǝ yontu kɔkɔtɛ. Pɑ kɑɑ tɑsɑ mǝ cǝmǝŋ tɑŋ kɛ nɩɩʋ.

¹⁴Mɑɑ pǝsɩ mǝ ɩcɑtɛ kɛ kʋkpɑmʋɣʋ kpɛtɛ nyǝŋkʋ ŋku kʋ tɔɔ pɑ leŋ tiinɑ puluŋ tɔ. Nɔɣɔlʋ kɑɑ tɑsɑ-mɛɣɛ ŋmɑʋ. Mɑɣɑ Tɑcɑɑ Ɩsɔ, mɑ́ yɔɣɔtǝnɑ.

¹⁵Ḿpʋ́ɣʋ́ Tɑcɑɑ Ɩsɔ tɔmɑ sɩ: Tiii ɩcɑtɛ nyɑ́, pɑɑ wɑkǝlɩ-ŋ nɑ pǝ́ kʋ́ nyɑ́ tɑɑ yǝlɑɑ nɑ pɑ́ mɔlǝɣɩ ɑcufu ɩnɩ ɩ tɑɑ. Ɩlɛnɑ teŋku nɔɣɔ ɑcɑlɛɛ nyǝ́mɑ sʋʋ seluɣu.

¹⁶Teŋku nɔɣɔ ɑwulɑɑ tǝnɑ kɑ́ kʋlɩ pɑ kumlee tɔɔ. Pɑɑ wɔɣɔsɩ pɑ kɑwulɑɣɑ tokonɑɑ mpɑ pɑ sɔpɑ tɔ. Ɩlɛnɑ sɔɣɔntʋ sɔsɔɔntʋ kpɑ-wɛ nɑ pɑ́ cɑɣɑ ɑtɛ, nɑ pɑ́ seliɣi kʋtɑmsɑ. Mpi tɔ, pɑ lɑŋɑ wɑkǝlǝnɑ ɩcɑtɛ ntɛ́.

¹⁷Pɑɑ mɑ kɑwǝyɑɣɑ kɛ ɩcɑtɛ ntɛ́ tǝ tɔm sɩ: Pʋwɛ, ɩcɑtɛ sɔsɔɔlɛ tǝlɛ. Pǝ wɑkǝlɑ-tɛ, nɑ pǝ́ kpiisi-tɛɣɛ teŋkunɑɑ tɑɑ. Tǝ yǝlɑɑ kɑ ŋmɑkǝlɑ ɑntulinyɑ tɑɑ kɛ́. Mpɑ pɑ cɔɔnɑ-tɛ tɔ pɑ nɩɩkɑɣɑ tǝ sɔɣɔntʋ kɛ́.

¹⁸Nɔɔnɔɔ teŋkunɑɑ nɔɔsɩ yǝlɑɑ seliɣi tǝ wɑkǝlʋɣʋ tɔɔ kɛ́. Ɩlɛnɑ kʋtemiŋ pooluŋ nyǝŋ nyǝ́mɑ tɛɛ sʋʋkɩ tǝ sɑɑlʋɣʋ tɔɔ.

¹⁹Ḿpʋ́ɣʋ́ Tɑcɑɑ Ɩsɔ yɔɣɔtɑɑ sɩ: Mɑɑ pǝsɩ-tɛɣɛ ncɑɑlɛ, ɩsɩɩ ɑcɑlɛɛ lɛnnɑ, nɔɣɔlʋ kɑɑ cɑɣɑ. Mɑɑ yele nɑ teŋku lumɑŋ sɔsɔɔŋ lʋm lɩɩ nɑ pǝ́ li-tɛ.

²⁰Mɑɑ tisi-tɛɣɛ hɑtoo ɑtɛtǝlɛ tɑɑ nɑ tǝ́ mɑɣɑnɑ pɩɩsɩ tǝnɑ sǝtɑɑ. Tɩɩ cɑɣɑ tɛtʋ tɛɛ timpi nǝɣǝsǝnɑ ɩsɩɩ lɔŋtɑɑ ncɑɑ tɔɣɔ, ɑtɛtʋnɑɑ mpɑ pɑ lɑɑlɑ-tɛɣɛ sǝm tɔ, pɑ kiŋ. Tǝ kɑɑ pǝsɩ nɑ tǝ́ tɑɣɑnɩ mǝlʋɣʋ. Pǝyele nɔɣɔlʋ kɑɑ tɑsɑ tǝ tɑɑ kɛ́ cɑɣɑlɛ, pǝ́cɔ́ tǝ kɑɑ tɩɩ wɛɛnɑ lonte kɛ weesuɣu nyǝ́mɑ tɑɑ.

²¹Sɔɣɔntʋ kɑ́ pɩɩ yǝlɑɑ nɑ mpi pɩɩ mɑɣɑnɑ-tɛ tɔ. Mɑɑ kpiisi-tɛ tǝkpɑtɑɑ. Tǝ kɑɑ tɑsɑ wɛɛʋ, pɑɑ pɛɛkɩ-tɛ pɑ kɑɑ keesi-tɛ. Tɑcɑɑ Ɩsɔ mɑ́ mɑ yɔɣɔtǝnɑ mpʋ.