1Mmotoyilgad ko n’en ni gu be yog; karimus rogon e ayuw ni gu be ning ngomed.
3Mu pagedgag nggu non nggu mu’ mfin um moning niged gag.
4Gathi gu be togopluw ngak e girdi’; bay fan ni dabkiyag ni gu kadan’ug.
5A mu yaliyed ya’ag. Ke m’ay e thin u langmed ngabang fa dawo’?
6Gu ra leamnag e n’en ke buch rog, me balyangan’ug, ngi i m’urm’ur’ yileg.
7Mang nma tay Got e girdi’ ni kireb ni dab rmad’, ngu’ur pilibthirgad ma be fel’ rogorad?
8Me yib pifakrad nge pifak pifakrad, nge n’uw nap’rad ngar guyed gubin pifakrad ni ka ra ilalgad.
9Ma der pag Got e riya’ ngalan e tabnaw rorad; dariy bingyal’ nra pired u fithik’ e marus.
10Aram rogon, pi garbaw rorad e gu yad be diyan ni dariy reb i pifakrad ni be yim’.
11Be milmil pifakrad ma yad be fafal ni bod pifak e saf
12ma yad be churu’ ko musik ni harp nge flute.
13Yad be par u fithik’ e gapas ma ba munguy e yam’ nra ted nda ur gafgowgad.
14Pi’in kireb e yad be yog ngak Got ni nge pagrad ngu’ur pired rorad; daburad ni ngar nanged e n’en ni ba’adag Got ni ngar rin’ed u lan e yafos rorad.
15Yad be tafinaynag nde t’uf ni ngan pigpig ngak Got ma ku dariy fel’ngin ni ngu’un meybil ngak.
16Yad be yog ni be yan i aw e tin yad be muruwliy nga tagil’ ni bochan gelngirad, machane binem e tafinay ni yad be tay e der puluw u wun’ug.
17Mog ka’an thang bi’id e magal rok be’ nib kireb? Ma gur ba’ bagyad ni mada’nag e riya’? Gur ka’a gechignag Got e pi’in kireb u fithik’ e damumuw
18ara thoyrad ngar uned u fithik’ e nifeng ni bod e chabung nike mlik, fa bod e fiyath ni un ko yako’?
19Gimed be yog nma gechignag Got ba bitir ni bochan e denen rok e chitamngin. Danga’! Ngan pag Got nge gachignag e pi tadenen; ni bochan e yad e denen rorad.
20Ngan pag e pi tadenen nge mang yad e ra chibiyed e gechig rorad; ngan pagrad ngar thamiyed e damumuw rok Got ni Gubin ma Rayag Rok.
21Nap’an nra mus e yafos rodad, ma gur, rib ga’fan u wan’dad ko ba felfelan’ pifakdad fa dangay?
22Rayag ni nge fil be’ ban’en ngak Got, ni ir e ma pufthin ni mus ngak e pi’in nib tolang e liw rorad?
23Boch e girdi’ e yad ma par ndariy e m’ar rorad nge mada’ ko rofen ni ngarm’ad; yad ma yim’ nib felfelan’rad ma bmunguy lanin’rad, ma bfel’ rogon fithik’ i dowrad.
25Ma boch e girdi’ e dariy buchu’uw i felfelan’ rorad; yad ma par u fayleng ngarm’ad nib buchbuch lanin’rad.
26Machane yad gubin ni go’ yad ma yim’ ngan k’eyagrad; nge longuyrad e faklud’.
27Gu manang ni gimed be leam nigeg nga dalib.
28Gimed be fith ni be lungmed, “Bu uw e naun rok fa pi’in ba ga’ farad e chiney, fa pi’in ba kireb ngongolrad?”
29Moged dawor mu nonad ngak boch e girdi’ ni yad ma milekag? Dam nanged rogon e pi thin ni yad ra sul miyad weliy?
30Rofen nra damumuw Got ni nge gechig, e pi’in kireb e yad e gubin ngiyal’ ni yima digeyrad.
31Dariy be’ nma yip’ nga owchen be’ nib kireb e kireb rok ara fulweg taban ngak urngin e tin ke kirebnag.
32Nap’an ni yira fek i yan nga taliw, ko low rok ni yibe matanagiy ni bfel’ rogon,
33ma bukun e biyu’ e girdi’ ni yad ma un ko yan nga taliw, ma mus ko but’ ni yira yin’ nga daken ma ba sumnguy u daken downgin.
34Me gimed! Gimed be guy rogon ni ngam fal’eged lanin’ug ko thin ni dariy gam’ingin! Gubin e fulweg ni gimed be pi’ e go’ ban!
