Joba 21

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Te phoeiah Job loh a doo tih,

²Ka ol hnatun, hnatun lamtah te te nangmih kah hloephloeinah om saeh.

³Ka thui vaengah kai ol he ueh mai lamtah ka thui hnukah nan tamdaeng akhaw,

⁴Kai khaw ka kohuetnah he hlang hut a? Balae tih ka mueihla loh a ngen pawt mai eh?

⁵Kai taengla a mael vaengah hal tih, a kut neh a ka te a puei.

⁶Ka poek bal vaengah ka let tih, ka pumsa he tuennah loh a tuuk.

⁷Halang rhoek tah haimo la a hing uh akhaw, balae tih, tatthai la a len uh.

⁸A mikhmuh kah a tiingan rhoek neh a mikhmuh kah a cadil cahma khaw amih taengah a cikngae sak.

⁹Amih im khaw birhihnah lamloh ngaimongnah la om tih, Pathen kah conghol loh amih soah cuk thil pawh.

¹⁰A vaito a pil vaengah a vaito a pom khaw, tuei pawt tih, thangyah tlaih pawh.

¹¹A casenca rhoek te boiva bangla a hlah uh tih, a camoe rhoek loh soipet uh.

¹²Kamrhing neh rhotoeng te a phueih uh tih, phavi ol neh a kohoe uh.

¹³Amamih vaengkah tue then khuiah muei uh tih, hmawn uh. Mikhaptok ah saelkhui la ael uh.

¹⁴Tedae Pathen taengah, “Kaimih taeng lamloh nong laeh. Na longpuei ming ham ka ngaih uh moenih.

¹⁵Anih taengah m'thothueng ham khaw unim tlungthang? A taengah n'cuuk uh ham khaw balae a hoeikhang eh?” a ti uh.

¹⁶Amih kah thennah khaw amamih kut ah om pawt lah ko ke. Halang rhoek kah cilsuep te kai lamloh lakhla saeh.

¹⁷Halang rhoek kah hmaithoi tah metlam khaw thi tih, amamih kah rhainah amamih soah a thoeng pah. A thintoek neh a rhilong a suem pah.

¹⁸Khohli hmai ah cangkong bangla om uh tih, cangkik bangla cangpalam loh a khuen.

¹⁹Pathen loh a ca rhoek ham a khoem coeng. A boethae te amah taengah thuung saeh lamtah ming saeh.

²⁰A sitlohthamlam te a mik, a mik ah tueng saeh lamtah tlungthang kah kosi te mam sak saeh.

²¹A hnukah a imkhui ham a kongaih te balae? A hla kah a tarhing khaw bawt coeng.

²²Pathen te mingnah a tukkil a? Amah he pomsang tih lai a tloek.

²³A cungkuem dongah bidipbisok tih, thayoeituipan la amah kah thincaknah rhuhrhong neh aka duek he,

²⁴A rhangsuk khaw suktui buem tih, a rhuh hliing khaw sulpuem.

²⁵Hinglu khahing la duek tih, hnothen aka ca pawt he khaw,

²⁶laipi khuiah rhenten yalh tih, a rhit loh a soah a yol.

²⁷Nangmih kah kopoek ka ming phoeiah tangkhuepnah neh kai soah nan hul ni te.

²⁸“Hlangcong im te menim? Halang tolhmuen kah dap te menim?” na ti uh.

²⁹Longpuei aka poeng rhoek te na dawt uh pawt tih, amih kah miknoek khaw na hmat uh pawt nim?

³⁰Rhainah khohnin lamloh boethae te a tuem tih thinpom khohnin lamloh a khuen te ta.

³¹A khoboe te a mikhmuh ah aka phoe pah te unim? A saii bangla a taengah aka thuung te unim?

³²Anih khaw phuel la a khuen vaengah, laivuei ni a hak thil.

³³Anih ham soklong kah dikmuh khaw tui. Anih hnuk te hlang boeih loh a thoelh tih, anih hmai kah hlangmi tae lek pawh.

³⁴Te dongah balae tih a honghi la kai he nan hloep uh? Nangmih kah taikhaih khaw boekoeknah la cul coeng,” a ti.