Ayup 40

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Perwerdigar Ayupqa yene jawaben: —

²«Hemmige Qadir bilen dewalashidighan kishi uninggha terbiye qilmaqchimu? Tengrini eyibligüchi kishi jawab bersun!» — dédi.

³Ayup bolsa Perwerdigargha jawaben: —

⁴«Mana, men héchnémige yarimaymen; Sanga qandaq jawab béreleymen? Qolum bilen aghzimni étip geptin qalay;

⁵Bir qétim dédim, men yene jawab bermeymen; Shundaq, ikki qétim désem men qayta sözlimeymen» — dédi.

⁶Andin Perwerdigar qara quyun ichidin Ayupqa jawab bérip mundaq dédi: —

⁷«Erkektek bélingni ching baghla, Andin Men sendin soray; Sen Méni xewerdar qilghin.

⁸Sen derweqe Méning hökümimni pütünley bikargha ketküzmekchimusen? Sen özüngni heqqaniy qilimen dep, Méni natoghra dep eyiblimekchimusen?

⁹Séning Tengrining bilikidek küchlük bir biliking barmu? Sen Uningdek awaz bilen güldürliyelemsen?

¹⁰Qéni, hazir özüngni shan-sherep hem salapet bilen béziwal! Heywet hem körkemlik bilen özüngni kiyindürüp,

¹¹Ghezipingning qehrini chéchip tashlighin, Shuning bilen herbir tekebburning közige tikilip qarap, Andin uni pesleshtürgin.

¹²Rast, herbir tekebburning közige tikilip qarap, Andin uni boysundurghin, Rezillerni öz ornida dessep yer bilen yeksan qil!

¹³Ularni birge topigha kömüp qoy, Yoshurun jayda ularning yüzlirini képen bilen étip qoyghin;

¹⁴Shundaq qilalisang, Men séni étirap qilip maxtaymenki, «Ong qolung özüngni qutquzidu!».

¹⁵Men séning bilen teng yaratqan bégémotni körüp qoy; U kalidek ot-chöp yeydu.

¹⁶Mana, uning bélidiki küchini, Qorsaq muskulliridiki qudritini hazir körüp qoy!

¹⁷U quyruqini kédir derixidek égidu, Uning yotiliridiki singirliri bir-birige ching toqup qoyulghan.

¹⁸Uning söngekliri mis turubidektur, Put-qolliri tömür choqmaqlargha oxshaydu.

¹⁹U Tengri yaratqan janiwarlarning béshidur, Peqet uning Yaratquchisila uninggha Öz qilichini yéqinlashturalaydu.

²⁰Taghlar uninggha yémeklik teminleydu; U yerde uning yénida daladiki herbir haywanlar oynaydu.

²¹U sedepgül derexlikining astida yatidu, Qomushluq hem sazliqning salqinida yatidu.

²²Sedepgüllükler öz sayisi bilen uni yapidu; Östengdiki tallar uni orap turidu.

²³Qara, derya téship kétidu, biraq u héch hoduqmaydu; Hetta Iordandek bir deryamu uning aghzigha örkeshlep urulsimu, yenila xatirjem turiwéridu.

²⁴Uning aldigha bérip uni tutqili bolamdu? Uni tutup, andin burnini téship chülük ötküzgili bolamdu?