Jopo 40

1

2

3

4

5

14

19

31

38

39

40

41

42

¹Kamongome lao, Jopo, embame Anatu Porai Wakasa doko makande pyuo karapi. Epapu emba sikya pilyase panda isingi mende lare ingilyase? leya.

³Kamongo, namba kopyali ingyuo lao kareyo. Dokona isingi aki pii larose? Nambame dee mende laro ingya nalyamo.

⁵Namba pii laroli dusipa lao otapu kandapi, leya Jopome.

⁶Dokopa poraiya minyiyamo raka raka dokona Kamongo dokome Jopo dee kamba pii lamaiya.

⁷Akali angingyuo roya karapala nambana piso singi pii dupwa yano pyakape.

⁸Embame namba rolae pii nangeŋe lao lasaka pyuo yapalya yapana pyuo koo keta palyapala emba range rolae pingi inginyi pyambuo karese?

⁹Emba porai namba yalese? Nambana pii poraiyuo yuu gala lele lao lenge dopa pyuo embame lengese?

¹⁰Doko kinyi ramo doko emba range lakando pyakalyuo pyao karo kiŋi ingyuo suu pyao karape.

¹¹Wambu range mupwa lao suu pyao karaminyi dupwa kanda. Kandapala embena imbu singi dokome nakama randa maiyuo kuki ingyuo inyimungu karena lare.

¹²Kinyi, nakama range ketae pyambuo karaminyi dupwa kandapala isa nyepe. Koo pyuo karaminyi panda dokona nakama pyao kokwa sepe.

¹³Dopa pipala yuu dokona malu pepala kumungi yuu dokona kiimbanyi palyalapape.

¹⁴Dopa pirinyi dokopa akali mendeme lakandapa naraminyipa nambame wambo embame yulu doko pyuo wambalene lamo lao lakandaro.

¹⁵Mena ama kameya kingi Bimote lenge doko kandape. Nambame doko waso emba wasoko piyu lyakande. Baame mena bulamakao ingyuo isoko dupwa nao karenge.

¹⁶Dopa pyuo nelyamopape banya yongo doko ama porai renge palenge. Banya kingi minju isa mando yale dupwa aki porai lao see nalyo.

¹⁷Banya konali doko isa siya ingyuo rolae roya karenge dee banya kimbu dokona minju ama porai wakasa.

¹⁸Banya kuli dupwa ama porai kana wasingi bange dopale dee banya kimbu dupwa ane isa yale.

¹⁹Wambu andareleme kata papingi bange wasiyu dupwa kando yamarangyuo karaminyipape mena dake kandapala kamame yamarangyuo kandenge. Dopa pilyaminyipape wasiyamo dokome range sinyi nembo karenge.

²⁰Yuu kyau mena rae lenge dupwa male lao karenge dupwana nenge nara isoko dupwa ando karenge.

²¹Baa nepereke renge dupwana palyuo soo dee ipwa pona waewae dupwana yalu pyuo soo pingi.

²²Neperekepe ipwa repeta karenge isape dupwana isarena rau lao singi.

²³Baa ipwa Jotane palipala ranjo epo banya lenge kambu petelyamo dokopa baa paka nao elya kalo palyuo singi.

²⁴Apimi banya lenge lukupala baa minyarapala nyerase? Apimi kone makapala gyaana minyaramo ramarase? leya Kamongo dokome.