Yuba 40

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Alatala mɔn yi a fala Yuba xa, a naxa,

²“I tan naxan Ala Sɛnbɛ Kanna yalagima, i mɔn luyɛ a matandɛ? I tan naxan Ala mafalama, i nɔɛ a yabɛ?”

³Yuba yi Alatala yabi, a naxa,

⁴“Sese mi n tan na. N nɔɛ i yabɛ nanse ra? Fɔ n na n yiin sa n dɛ ra, n yi n dundu.

⁵N bata falan ti, n mi fa yabi tima. N bata a radangu ayi, n mi fa sese falama.”

⁶Alatala yi Yuba yabi wuluwulu gbeeni, a naxa,

⁷“Keli, i yitɔn alo xɛmɛ wɛkilɛxina, n xa i maxɔdin, i yi n yabi.

⁸I waxi a fala feen nin ba fa fala a n mi kiti kɛndɛn sama? I waxi n yalagi feen nin ba, i yi yoon fi i yɛtɛ ma?

⁹I sɛnbɛn gbo alo Ala ba? I xuiin findɛ kuye sarinna ra ba alo Ala gbeena?”

¹⁰“I yɛtɛ maxidi binyen nun gboon na, i yi i maxidi nɔrɔn nun xunnayerenna ra.

¹¹I ya xɔlɔn nasiga muxune ma, i wasodene birin nagodo sanɲa yi kedenni.

¹²I wasodene birin nagodo sanɲa yi kedenni yati, i ɲaxudene birin halagi e dɛnaxanye yi,

¹³i yi ne birin maluxun, i yi e balan gaburun kui.

¹⁴Nayi, xa i yi na liga nun, n tan yɛtɛɛn yi i matɔxɔma nɛn, bayo i yɛtɛ sɛnbɛn yi i rakisima nɛn.”

¹⁵“Malinna mato, sube magaxuxina. N tan nan a daxi alo n ni i daxi kii naxan yi. A sɛxɛn donma alo ɲingena.

¹⁶A sɛnbɛna a tagin nin. A sɛnbɛna a fudi ma fasane nin.

¹⁷A xunla xɔdɔxɔ alo sumanna, a danba subene fasane yibalanxi ken!

¹⁸A xɔnne fan luxi alo sulana, a ɲɛnsɛn xɔnne luxi alo wurena.”

¹⁹“A findixi Alaa dalise fisamantenna nan na. N tan, a da mangan nan keden nɔɔn sɔtɔma a ma silanfanna ra.

²⁰A balon sɔtɔma geyane fari, burunna subene birin dɛnaxan yi.

²¹A sama wudine nan bun, a yi a luxun dara yi gbalane bun,

²²a matabuma wudine nininna nan na, wudin naxanye xuden dɛ, ne yi a rabilin.

²³Xa igen gbo ayi, a mi gaxuma, hali Yurudɛn baa igen fa han a dɛ, a luma nɛn xaxili sani.

²⁴Xa a yɛɛne rabixi, nde nɔɛ a suxɛ? Nde nɔɛ a suxɛ, a wuren bira a ɲɔɛni?

²⁵I ige yi sube ɲaxin suxɛ kɔnna ra ba? I a suxɛ a lɛnna ma ba i ya lutin na?

²⁶I gbalan sɔtɛ a ɲɔɛɛn kui ba, i yi a gbɛgbɛn sɔxɔn wuren na?

²⁷I mirixi a ma a kankanɲɛ i mafanna ma ba, a fala faɲine ti i xa?

²⁸A layirin xidɛ ɛ tagi ba, a findɛ i ya konyin na habadan?

²⁹I sabaan soɛ a ra ba alo xɔlina? I lutin xidɛ a sanna ra ba, i yi a so i ya dii tɛmɛne yii?

³⁰Yɛxɛ suxune a matiyɛ lɔxɔni ba, e a yitaxunɲɛ yulane ra?

³¹I nɔɛ a kidin kalɛ xalimakunle ra ba? I nɔɛ a xunna sɔxɔnɲɛ kulundene ra ba?

³²Nayi, hali i yiin din a ra a yɛngɛ xinla ma sanɲa ma keden pe, i mi fa na ɲɔxɔn ligama sɔnɔn.”