Iyyooba Maxaafaa 40

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹GODAI Iyyooba hagaadan yaagiis;

²“Iyyoobaa, asi Ubbaa Danddayiya Xoossaara mootettidi, shatimmi erii? Ane Xoossaara mootettiya uri ayyo zaaro” yaagiis.

³Hegaappe guyyiyan, Iyyoobi zaaridi, hagaadan yaagiis;

⁴“Abeet GODAU, taani pattenna laafa asa; taani neeyyo waata zaaranau danddayiyaanaa? Taani ta doonan ta kushiyaa wottaas.

⁵Taani issitoo haasayaas; shin taayyo zaariyoobi baawa. Naa77anttuwaa haasayikke” yaagiis.

⁶Hegaappe guyyiyan, GODAI gotiyaa giddoppe Iyyoobassi hagaadan yaagiis;

⁷“Attumaasadan ne xeessaa gixxa denddada, taani oichchiyoogaa taayyo oda.

⁸Neeni tana mooranchcha kessana hanai? Neeyyo xillo gidanau, tana worddo kessai?

⁹Xoossaa wolqqaa mala wolqqai neeyyo de7ii? Xoossai guummiyoogaadan neeni guummanau danddayai?

¹⁰Hegaa gidikko, ane ne bonchchuwaaninne gitatettan dendda! Ne puulaanne anggaa maaya!

¹¹Ne hanqquwaa teegaa ane tiga; otorettiya asa ubbaa xeellada, ane kaushsha!

¹²Ane loitta xeellada, otorettiya ubbaa yeellaya; iitaa oottiyaageeta ubbaa eti de7iyoosan yedhdha!

¹³Eta ubbaa biittan mooga; duufuwaa duge wottada, eta gordda.

¹⁴Yaatikko, ne wolqqan neeni xoonanaagaa taani neeyyo markkattana.

¹⁵“Taani nena medhdhidoogaadan medhdhido, Bihemoota giyo do7aa ane xeella! I booradan maataa mees.

¹⁶A xeessan de7iya wolqqainne a uluwaa kammida shayaa minotettai keehi daro.

¹⁷A goinai zigaadan sitti gi uttiis; a gediyaa xaphotikka minuwan dooqettidaageeta.

¹⁸A meqettati nahaasiyaa bombbaa mala; a gedeekka birataa hiraqotu mala.

¹⁹“Xoossai medhdhido meretatu ubbaappe i aadhdhi maalaalissiyaagaa. A Medhdhidaagaappe attin, a xoonanau danddayiyaabi baawa.

²⁰Do7ai ubbai kaa7iyo deree ayyo miyoobaa mokissees.

²¹Agunttai de7iyo mittaa garssan zin77ees; maqqaa giddon torqquwan qosettees.

²²Agunttai de7iyo mittati bantta kuwan a genttoosona; shaafaa doonan mokkiya mittati a kammoosona.

²³SHaafai kixxidi goggiyo wodekka dagammenna; Yorddaanoosa SHaafai a som77uwan xarccettiyo wodekka i saro de7ees.

²⁴A aifiyaa toissidi, a oiqqanau danddayiya asi de7ii? A siiriyaakka piriyaa qaran caddi oiqqanau danddayiyai oonee?