Joba 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Elihu loh koep a doo tih,

²“'Pathen lakah kamah duengnah ngai,' na ti te tiktamnah la na poek a te?

³'Ka tholhnah lamloh nang hamla balae a hmaiben tih balae a hoeikhang,' na ti.

⁴Namah neh na taengkah na hui rhoek kah olthui te ka thuung eh.

⁵Vaan ke paelki lamtah hmu van lah. Nang lakah aka sang khomong ke dan lah.

⁶Na tholh koinih amah te metlam a ben eh? Na boekoeknah pungtai koinih amah taengah balae a saii eh.

⁷Na tang atah amah taengah balae na paek? Na kut lamloh balae a loh?

⁸Nang bang, na halangnah khaw hlang ham tih na duengnah khaw hlang capa ham ni.

⁹Hnaemtaeknah cungkuem hmuiah aka tlung bantha lamloh bomnah bih hamla pang uh.

¹⁰Tedae, “Kai aka saii tih khoyin ah laa aka pae Pathen te ta?

¹¹Diklai rhamsa lakah mamih n'cang puei tih vaan kah vaa lakah mamih n'cueih sak,' a ti moenih.

¹²Pang uh pahoi cakhaw boethae rhoek kah hoemdamnah hmai ah tah a doo moenih.

¹³Pathen loha poeyoek la hnatun pawt tih Tlungthang long khaw a hmuhming moenih.

¹⁴A hmuhming pawt tih na thui vaeng aisat, dumlai pataeng amah mikhmuh ah a pha dongah amah mah rhingda laeh.

¹⁵Tedae a thintoek te cawh voel pawt oeh coeng tih halangnah te khaw ming voel pawh.

¹⁶Job loh a honghi la a ka a ang tih mingnah om pawt ah a olthui yet,” a ti.