Job 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Wal Ilaihu bin kipgon tok,

²“Yu reken yu brabli gud men blanga albumbat God?

³Yu reken wen yu dum wanim God wandim yu blanga dum, im oldei gibit yu gudbala ting?

⁴Wal ai garra ensim yu en yu frenmob na.

⁵Yu trai luk deya langa det skai en detlot klaud en jinggabat det nogudbalawei blanga yu. Yu reken im ardimbat God?

⁷Yu reken wen yu dum gudbala ting im meigim im gudbinji en album im?

⁸Det nogudbalawei blanga yu im ardimbat pipul, bat im nomo ardimbat God en det gudbala ting yu dum album pipul bat im nomo albumbat God.

⁹“Wal wen enibodi abum trabul olabat jingat langa najalot strongbala pipul blanga album olabat.

¹⁰Bat olabat nomo jingat langa God hubin meigim olabat. If dei bina jingat langa im wen olabat bin jidan langa dakbala pleis im bina kaman en ensim olabat, en olabat bina singsingbat gudbinjiwei langa im.

¹¹Nomeda imbin meigim olabat brabli klebawan, mowa klebawan langa ola enimul en bard, olabat nomo jingat langa im.

¹²Bat stil God kaan irrim langa praudbala en nogudbala pipul wen dei prei.

¹³If det boswan God jadimap im irriwol wen dei jingat langa im,

¹⁴wal im kaan ensim yu, dumaji yu wandim deigim im langa kot.

¹⁵Yubin rong wen yubin tok God nomo panishim olabat nogudbalawei.

¹⁶Ebrijing yubin tok im rabishwan wed.”