Zobi 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Meke zama pule se Elihu,

²“Balabala ia goi sapu toṉoto si guahe? Zama si agoi, ‘Kote tava kalalasa qua koe Tamasa.’

³Ba nanasa tu si goi, ‘Nasa sa lineana vagi nia rau, meke nasa si kote vagi nia rau koasa kinoa toṉoto?’

⁴Hiva olaṉa atu gamu rau, agoi, meke sari na mua baere.

⁵Eṉa sage la pa maṉauru, mamu dogoria, doṉo la koari na lei panaulu.

⁶Be guana sea si goi, si lopu kote ta sigiti nia Tamasa; be soku sari mua sinea, si lopu kote ta ene ni Sa.

⁷Ba be na tie toṉoto si goi, na sa kote poni nia goi si Asa? Na sa si kote vagia Sa pa limamu goi?

⁸Sari mua kinaleana si kote raza koari tie gugua agoi, meke sari mua lineana si kote kamo mo koari tie.

⁹Ari na tie si hoke kabo vura totoso noma sa ṉinovaṉovala, tioko hata tinokae si arini pude harupi koa ri na tie ṉiṉiradi.

¹⁰Ba loke tie si nanasa, ‘Avei sa Tamasa pu tavetequ, pu boka va kera i sari tie pa totoso tinasuna,

¹¹pu va tumatumae gita hola ni sari na kurukuru pinomo, meke va gilae gita hola ni sari na kurukuru tapuru?’

¹²Gua ke lopu olaṉa si Asa pana kabo vura sari tie, sina tie kaleadi si arini meke vahesi puleni.

¹³Ura, loke ginugua pude avosi Tamasa sari dia kinabo; sa Tamasa pu tagoi sari doduru ṉiniraṉira si lopu kote hite liṉana lai.

¹⁴Pude gua asa si kote vegua meke avoso igo Tamasa totoso zama si goi sapu lopu boka dogoria goi si Asa? Ba kote ponigo lolomo Sa pude avosigo pana aqa hite si agoi.

¹⁵Meke zama si goi sapu sa Tamasa si lopu hoke va kilakilasa tie, meke lopu va gunagunana nia Sa sa sinea, gua. Ke e Zobi si zama hoboro sisigiti, zama va soku si asa ba lopu koa ia ginilagilana.”