Yuba 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Nayi, Elihu mɔn yi falan ti, a naxa,

²“I laxi a ra a ɲɔndina i xa ba? I yi a fala, i naxa, ‘N tinxin Ala yɛɛ ra yi.’

³Koni, i mɔn a falama, i naxa, ‘N to mi yulubi ligaxi, na tɔnɔn nanse ra n tan xa?’ ”

⁴“Awa, n tan nan i yabima, e nun i xɔyin naxanye i fɛma.

⁵I yɛɛn ti kore, i kundaan mato, e mate i xun ma pon!

⁶Xa i yulubin liga, na sa Ala tɔrɛ mɛnni ba? I ya murutɛn na gbo ayi, na nanse ligɛ a ra?

⁷Xa i tinxin, na nanse fima Ala ma? A nanse sɔtɔma i yii na ma?

⁸I ya fe ɲaxine muxune nan tun tɔrɔma, i ya tinxinyaan munanfanna muxune nan ma.”

⁹“Ɲaxankatan na gbo ayi yamaan ma, e mawugama nɛn. Sɛnbɛmaan na e tɔrɔ, e xui ramini malina fe ra.

¹⁰Koni, muxu yo mi a falɛ, a naxa, ‘Ala minɛn, a tan naxan n daxi? A muxune rawɛkilɛma e bɛtin ba dimini,

¹¹a en xaranma burunna subene kɛɲane xɔn. A fekolonna fi en ma xɔline kiine xɔn.’

¹²Na muxune gbelegbelema malina fe ra, koni Ala mi e yabima, bayo e tan findixi fe ɲaxi rabane nun wasodene nan na.

¹³E gbelegbelema fuyan, Ala mi e ramɛma, Ala Sɛnbɛ Kanna mi a tuli matima e xuiin na.

¹⁴A i xuiin namɛma di nayi, i tan naxan a falama a i mi a toma? I yi a fala a i bata i ya kitin so a yii, i a tan nan mamɛma!

¹⁵Iki, bayo Alaa xɔlɔn munma fa, e nun a mi a tuli matixi murutɛ falane ra,

¹⁶nayi, Yuba luma a fala fuun nan tun tiyɛ, a yi fekolontare falane rawuya ayi.”