Job 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Job, e huaidu go dau helekai bolo goe e madammaa i mua nnadumada o God,

³be e heeu gi God boloo, ‘Nia huaidu aha ala ne hai ko au adu gi di Goe? Dehee di humalia mai gi di au maa au ga hagalee e hai di huaidu?’

⁴Au ga helekai adu gi au heeu mo nia heeu o ehoo.

⁵“Goodou mmada gi di langi! Mmada gi nia gololangi ala i nua loo!

⁶Maa goe gaa hai di huaidu, o huaidu le e haga huaidu a God? Maa o huaidu la gaa logo, e hai dana aha ang gi God?

⁷Do mouli hai donu le e hagamaamaa God? Deai dahi mee e hiihai ginai a God mai doo baahi ai.

⁸Digau ala e noho i doo baahi le e hagaduadua mai i oo huaidu, gei di humalia dela e hai kooe e hagamaamaa digaula.

⁹“Di madagoaa nia daangada ala ma gaa kae di hagaduadua, digaula e tangitangi gi tangada gi haga dagaloaha ina ginaadou.

¹⁰Gei digaula digi huli ang gi God dela ne hai ginaadou, dela e wanga gi digaula di hagadagadagagee i lodo di nadau noho bouli i lodo di manawa gee.

¹¹Digaula hagalee huli anga gi God dela ne hai gidaadou gi kabemee laa hongo dahi manu lodo henua be lodo di ahiaalangi.

¹²Digaula e tangi i di hagamaamaa, gei God hagalee e hagamaamaa digaula, idimaa i digaula e manawa hua i ginaadou gei e huaidu.

¹³Deai dono hadinga ai maa digaula gaa tangi anga gi God, God Mogobuna e de gidee, e de longonoia digaula.

¹⁴“Job, goe nogo helekai bolo goe gu deemee di mmada gi God, taalia maalia, dau gabunga ga i mua o Mee.

¹⁵Goe e hagamaanadu bolo God la hagalee e hai dana hagaduadua, hagalee mmada gi humalia gi di huaidu.

¹⁶Dono hadinga ai maa goe ga duudagi adu hua au helekai, ma e modongoohia hua bolo goe e dee iloo e goe nnelekai ala e helekai iei goe.