Job 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Na Elihu el sifilpa fahk:

²“Ku kom nunku mu ma se inge suwohs Ke kom fahk mu, ‘Nga suwohs ye mutun God.’

³Ku ke kom siyuk sin God, ‘Nga fin tia oru ma koluk, mea ac wo nu sik?’

⁴Nga ac topuk kom, ac mwet kawuk lom ingan pac.

⁵“Ngetak liye acn lucng! Liye fulatiyen pukunyeng uh!

⁶Kom fin orekma koluk, God El tiana akkolukyeyuk kac. Kom fin oru ma koluk pacl pus, ya ma inge ac aklokoalokyal?

⁷Ya kom kasru God kom fin arulana orek suwohs? Wangin ma God El enenu sum.

⁸Mwet uh pa ac keok ke ma koluk kom oru uh, Ac ma wo kom oru uh ac kasru pac mwet.

⁹“Ke akkeokyeyuk mwet uh, elos ac sasao; Ac elos pang tuh in oasr mwet kasrelos.

¹⁰Tuh elos tia ngetang nu sin God su oralosla, Su sang soko on in finsrak nu selos ke pacl upa nu selos.

¹¹Elos tia nget nu sin God su ase etauk nu sesr, Etauk liki kutena kosro, ku won.

¹²Elos pang in suk kasru, tuh God El tiana topkolos, Mweyen elos mwet koluk ac inse fulat.

¹³Wangin sripen pang lalos uh; God Kulana El tiana liyalos, ku lohng pusralos.

¹⁴“Job, kom fahk mu kom tia ku in liye God; Tusruktu, kom in mongfisrasr ac tupan. Top lal nu sum uh oasr yorol.

¹⁵In nunak lom kom mu God El ac tiana kalyei mwet, Ac kom mu El tia arulana lohang nu ke ma koluk uh.

¹⁶Wangin sripa kom in nuna kaskas na; Kalem tari lah kom tia etu ma kom fahk an.”