Ayup 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Élixu yenila jawab bérip mundaq dédi: —

²«Sen mushu gépingni, yeni «Heqqaniyliqim Tengriningkidin üstündur» déginingni toghra dep qaramsen?

³Shundaq bolghanliqi üchün sen: «Heqqaniyliqning manga néme paydisi bolsun? Gunah qilmighinimning gunah qilghinimgha qarighanda artuqchiliqi nede?» dep soriding .  

⁴Özüm sözler bilen sanga jawab bérey, Sanga hem sen bilen bille bolghan ülpetliringge jawab bérey;

⁵Asmanlargha qarap baqqin; Pelektiki bulutlargha sepsalghin; Ular sendin yuqiridur.

⁶Eger gunah qilghan bolsang, undaqta Tengrige qaysi ziyankeshlikni qilalaytting? Jinayetliring köpeysimu, undaqta uninggha qandaq ziyanlarni salalar iding?

⁷Sen heqqaniy bolghan teqdirdimu, Uninggha néme béreleytting? U séning qolungdin némimu alar-he?  

⁸Séning eskilikliring peqet sendek bir insan'ghila, Heqqaniyliqing bolsa peqet insan balilirighila tesir qilidu, xalas.

⁹Ademler zulum köpiyip ketkenlikidin yalwuridu; Küchlüklerning bésimi tüpeylidin ular nale-peryad kötüridu.

¹⁰Biraq héchkim: «Kéchilerde insanlargha naxsha ata qilghuchi yaratquchum Tengrini nedin izdishim kérek?» démeydu.

¹¹Uning bizge ögitidighini yer-zémindiki haywanlargha ögitidighinidin köp, Hem asmandiki uchar-qanatlargha ögitidighinidin artuq emesmu?

¹²Ular nale-peryad kötüridu, biraq rezil ademlerning hakawurluqining tesiri tüpeylidin, Uni Xuda ijabet qilmaydu.  

¹³Berheq, Tengri quruq duagha qulaq salmighan yerde, Hemmige Qadir mushulargha ehmiyet bermigen yerde,

¹⁴Sen: «Men Uni körelmeymen» déseng, U qandaq qulaq salsun? Dewaying téxi Uning aldida turidu, Shunga Uni kütüp turghin.

¹⁵Biraq U hazir towa qilish pursiti bérip, Öz ghezipini téxi tökmigen ehwalda, Ayup özining tekebburluqini bilmemdighandu?  

¹⁶Chünki Ayup quruq gep üchün aghzini achqan, U tuturuqsiz sözlerni köpeytken».