Jop 35

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Tama Elihu agai po genina ma weyu, e tama wali,

²“Jop, nago te po wali, ‘Eno kolesaga dwagi yai, ma Godigo kolesaga dolo menio,’ po wali. Nago homugo te po dolo te wali dawe?

³Me ma, nago e tama po wali, ‘God, ma eno dwai kolesaga isąma yali da, tego nage mena tama tau saibawe? Tama mena tama dwagi yai nai nageba pedalaibawe?’ Nago Godibolo te tobage po wali te dolo menio,” wali.

⁴“Megi da, Jop, eno nage dali, nago abagi sela dali, wali po wei ponaibao.

⁵Nago dagaluba tonama, te pǫ dabe suao. Augwali ugwanu mu bidibao. Godigo te dagalu dali, pǫ dali nigai dao.

⁶Ma, nago dwai sę yai goli, tama nago aga dolobo usu egobeo. Nago dwai sę hauwa mu ebadi me, tagala. Tego aga mena tama mu dolaibawe?

⁷Tama ma, nago doloba pai sę naga idubadi geani da, tego God mena tama tau saibawe? Tama agai mena dwagi yai nai agai nogode saibawe?

⁸Ma, nago dwai kolesaga eyu da, tego da, bidi da naga dolaibao. Tama ma, nago doloba pai kolesaga eyu da, tego me bidi da naga tau saibao,” wali.

⁹“Hauwa sogo bomai bidi dabego gasa bidi dabe aiyaba elaluama, mesegelama, tagalobo dao. Tama te bidi dabego gela genuai mu olama, tama gasa bidi dabego augwali tau somainu i wabo dao.

¹⁰Tiali goli, bidi mego e tama tiwai i me wabo menio, ‘Te Godigo ena nigai da. Aga menade bidibowe? Agai da dwai sogo pedalobo si agai dago tabi dili ilama, tama da dwagi yai homu iliyu, balia dabe wabo dao.

¹¹Agai da ola mabode da homu kolesaga hauwa mu sabo dao. Tama dago homu kolesagago bulu ba hasa dabego kolesaga edelai elalubo dao.’ Te sęgę tolobo bagego te po wabo dao.

¹²Te mu, te bidi dabego tau somainu i wabo dao. Tiali goli, augwali tobolu gagea pelama, tama dwai kolesaga ebo bidi dabe dao. Tama tibaso, Godigo augwaligo i wabo odobo menio.

¹³Augwaligo doloba pai kolesaga meni. Tama tibaso, God Tigidali Bomo Elalubo Bidigo augwaligo i wabo odogobeo.

¹⁴Tama Jop, eno homugo agai nago i wabo odogobeo. Magi baso meni. Nago polo wali, nago God subo menio wali. Me ma, nago e tama wali, Godigo nago po tų odobeo po wali. Tama nago bobobage sogo mu tonalubao po wali. Tiali goli, agai odobeo.

¹⁵Tama me ma nago e tama po wali, God agai dwai kolesaga ebo bidi dabe tigide dene ilibo menio po wali. Tama augwaligo ebo dwai kolesaga teba me homu kone ebo menio, nago te po wali.”

¹⁶“Jop da, page meni yai olo tibo po naga wabo bidi dao. Agai dwagi yai homu kolesaga menio, tiali goli agai po hauwa wabo dao,” Elihugo te po wali.