Ayup 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ayup jawaben mundaq dédi: —

²Siler berheq el-ehlisiler! Ölsenglar hékmetmu siler bilen bille kétidu!

³Méningmu silerdek öz eqlim bar, Eqilde silerdin qalmaymen; Bunchilik ishlarni kim bilmeydu?!

⁴Men öz dostlirimgha mazaq obyékti boldum; Mendek Tengrige iltija qilip, duasi ijabet bolghan kishi, Heqqaniy, durus bir adem mazaq qilindi!

⁵Rahette olturghan kishiler könglide herqandaq külpetni nezirige almaydu; Ular: «Külpetler putliri teyilish aldida turghan kishigila teyyar turidu» dep oylaydu.

⁶Qaraqchilarning chédirliri awatlishidu; Tengrige haqaret keltüridighanlar aman turidu; Ular özining ilahini öz alqinida kötüridu.  

⁷Emdi haywanlardinmu sorap baq, Ular sanga ögitidu, Asmandiki uchar-qanatlarmu sanga deydu;

⁸We yaki yer-zémin'gha gep qilsangchu, Umu sanga ögitidu; Déngizdiki béliqlar sanga söz qilidu.

⁹Bularning hemmisini Perwerdigarning qoli qilghanliqini kim bilmeydu?

¹⁰Barliq jan igiliri, barliq et igiliri, Jümlidin barliq insanning nepisi uning qolididur.

¹¹Éghizda taamni tétighandek, Qulaqmu sözining toghriliqini sinap baqidu emesmu?

¹²Yashan'ghanlarda danaliq rast tépilamdu? Künlirining köp bolushi bilen yorutulush kélemdu?

¹³Uningdila danaliq hem qudret bar; Uningdila yolyoruq hem yorutush bardur.

¹⁴Mana, U xarab qilsa, héchkim qaytidin qurup chiqalmaydu; U qamap qoyghan ademni héchkim qoyuwételmeydu.

¹⁵Mana, U sularni toxtitiwalsa, sular qurup kétidu, U ularni qoyup berse, ular yer-zéminni bésip weyran qilidu.

¹⁶Uningda küch-qudret, chin hékmetmu bar; Aldighuchi, aldan'ghuchimu uninggha tewedur.

¹⁷U meslihetchilerni yalingach qildurup, yalap élip kétidu, Soraqchilarni reswa qilidu.

¹⁸U padishahlar el-ehlige salghan kishenlerni yéshidu, Andin shu padishahlarni yalingachlap, chatraqlirini lata bilenla qaldurup shermende qilidu.

¹⁹U kahinlarni yalingayagh mangdurup élip kétidu; U küch-hoquqdarlarni aghduridu.

²⁰U ishenchlik qaralghan zatlarning aghzini étidu; Aqsaqallarning eqlini élip kétidu.

²¹U aqsöngeklerning üstige haqaret tökidu, U palwanlarning belwéghini yéship ularni küchsiz qilidu.  

²²U qarangghuluqtiki chongqur sirlarni ashkarilaydu; U ölümning sayisini yorutidu.

²³U el-yurtlarni ulughlashturidu hem andin ularni gumran qilidu; El-yurtlarni kéngeytidu, ularni tarqitidu.

²⁴U zémindiki el-jamaetning kattiwashlirining eqlini élip kétidu; Ularni yolsiz desht-bayawanda sersan qilip azduridu.

²⁵Ular nursizlandurulup qarangghuluqta yolni silashturidu, U ularni mes bolup qalghan kishidek galdi-guldung mangduridu.