1Wal Job bin tok, “Yumob reken yumob brabli haibala en oni yumob sabi ebrijing blanga God.
3Ai sabi ebrijing yumob sabi, en ola najalot pipul sabi du.
4Aibin oldei jidan gudwei, en God bin oldei ensim main preya, bat dijan taim ola fren blanga main oldei meigimbat fan langa mi.
5Im isibala blanga bleim mi wen yumob nomo abum eni trabul.
6Bat ola stilinbala pipul en pipul hu nomo bilib langa God jidan gudwei langa olabat kemp en dei tok, ‘Melabat oldei trastimbat melabat ronwan pawa.’”
7Wal Job bin kipgon tok, “If yumob wandim sabi enijing yumob garra askim detlot wailwan enimul en ola bard, en ola fish en purdiflawa.
9Detlot na gin dalim yumob wanim YAWEI det trubala God bin dumbat.
10Ebrijing weya jidan laibwan en ola pipul du jidan langa God bingga.
11“Wal wi teistim garram wi tang if im gudwan blanga dagat. En seimwei wi opinim wi irriwol blanga lenim wanim ola ol pipul titjimbat wi.
13Bat oni God na sabi ebrijing brabliwei en im brabli strongbala.
14Nobodi kaan bildimapbat wanim imbin binijim, o larramgo fri detlot imbin meigim jidan prisana.
15God gin holdimbek det rein, en im gin jandim fladwoda.
16“Wal detlot pipul hu oldei dalimbat laiya, en detlot pipul hubin irrim laiyawan stori, God stil jidan bos blanga olabat.
17God oldei binijimap ola lidamob en im oldei meigim detlot bos langa kothaus jidan siliwan.
18Im meigim king jidan prisana.
19Im meigim ola serramonimen en ola boswan jidan brabli lobala.
20Im na meigim detlot klebabalamen nomo sabi enijing, en nomo toktokbat.
21En im oldei meigim ol detlot haibala king jidan sheimwan, en im oldei deigimwei olabat pawa.
22“Wal God na oldei meigim det lait shain langa dakbala pleis.
23Im oldei meigim ola pipul brom najalot kantri jidan strongbala, en afta im deigidawei det pawa brom olabat.
24God oldei meigim olabat boswan jidan medwan, en im oldei meigim olabat wokwokbat langa deset kantri.
25Olabat los langa dakbala pleis, en dei oldei wokwokbat jis laiga drangginbala.”
