Job 12

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ne midtavak si Job te,

²“Iyan diyà te isip niw he iyan kew zà metau ne wazè en egkesamà he metau emun ebpatey kew en.

³Piru metau a zaan iring keniyu; kenè kew lavew kediey. Netuenan ku zaan heini is langun he mibpengaǥi niw.

⁴Nehimu a he egkeengitan te menge emiǥu ku minsan metazeng a wey wazà kedì igkesawey, wey minsan edtevaken dengan te Megbevayà is menge kebpengemuyù ku.

⁵Is menge etew he iring kedì, te zuen din elentusen he henduen be te egkepiley en, ed-un-undahan te menge etew he ebpeeyehey zà.

⁶Piru is menge tulisan wey is menge etew he ebaal te igkepauk te Megbevayà, melinawen mulà is kebpengungubpaan dan, minsan is kebpekegaga zan, ne iyan ed-isipen dan he megbevayè dan.

⁷“Istudyu ka pinaaǥi te kebpeniid te minsan hengkey he kelasi te zuen din gehinawa: is ebpemenhipanew, is ebpemenlayang, is ebpemenanap, wey is ebpemenlayewlayew.

⁹Su sikandan is langun, netau kayi te mibeelan te Nengazen.

¹⁰Diyà te velad din is untung etawa gehinawa te langun he linimbag ragkes is etew.

¹¹Emun is dilà te etew egketau ke hengkey is metaam etawa mezaat he keenen, is telinga te etew egketau zaan ke hengkey is meupiya etawa mezaat he menge lalag.

¹²Mezakel is netuenan te meǥurang en he etew, su emun ebmeluǥayad is untung te etew, ebmahabet daan is egketuenan din.

¹³“Piru Megbevayè dà is duen din ketau he egkezumahan te ǥehem, ne iyan dà sikandin duen din tutuu he kedsavut ke hengkey is ereg he ebeelan.

¹⁴Wazà ebpekeped-uliey te egevaan din, wey wazà ebpekepeǥawas te ebpirisuwen din.

¹⁵Emun edsebpengan din is uzan, ebmemaza is tanà, emun ebpesegdanen din is uzan, edalem ne egkezeetan is tanà.

¹⁶Mezesen sikandin wey mezeeǥen, su zizalem te ǥehem din is ebpenlimbung wey is edlimbungan.

¹⁷Ed-ewaan din is ketau te menge sumesambag, wey edhimuwen din he tulebung is menge meghuhukum.

¹⁸Id-awè din is menge hadì puun te kegkahadì dan wey ibpevihag din sikandan.

¹⁹Id-awè din is menge memumuhat wey is menge etew puun diyà te ketengdanan he ebpekeveǥey kandan te ǥehem.

²⁰Ibpepereremek din is egkeseriǥan he menge sumesambag, wey id-awè din is hustu he kedsavut te menge meǥurang.

²¹Edsudien din is nevantug he menge etew, ne id-awè din is gehem te gehemanen he menge etew.

²²Ibpeǥawaǥawa zin is menge in-eles, ne ibpemerayag din is merusirem.

²³Edhimuwen din he gehemanen wey ebmeluag is menge nasyun, piru edaaǥen din wey edezeetan din heini.

²⁴Edhimuwen din he tulebung is menge pengulu zan, wey edtezinen din sikandan diyà te sibsivayan.

²⁵Ebpemekekaapkaap sikandan diyà te merusirem wey egkengetevereg he henduen be te egkengelangut.”