Iyyooba Maxaafaa 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Hegaappe guyyiyan, Iyyoobi ba doonaa dooyidi, ba yelettido gallassaa hagaadan yaagidi qanggiis;

³“Taani shahaarettido qammainne taani yelettido gallassai coo xayona!

⁴He gallassai xuma gido! Bolla Xoossai he gallassaa shenehoo go; a bollan poo7oikka poo7oppo.

⁵Leelida xumainne ciggaarai a goozo; a shaarai kammo; a poo7uwaakka xumai gentto.

⁶He gallassa qammaa sakkana xumai oiqqo. Laittaa giddon de7iya gallassatun i qoodettoppo; aginatu qoodankka geloppo.

⁷He gallassa qammai maino; ufaissa ililssikka an siyettoppo.

⁸Lewaataana giyo miimminttiyaa denttanau loohida shareechchoti he gallassaa qanggona.

⁹He qammaayyo bakkaaliyaa xoolinttee poo7oppo; poo7uwaa naagidikka demmoppo; maallado xalqqeekka ayyo xalqqoppo.

¹⁰He qammai taani ta aayee uluwan shahaarettennaadaaninne ha metuwaa be7ennaadan teqqibeenna gishshau, qanggettidaagaa gido.

¹¹“Taani ta aayee uluwan haatta kiyarkkinaashsha! Ta aayee uluwaappe yeletta wodhdhaanne haiqqarkkinaashsha!

¹²Ta aayyiyaa tana aissi ba kiyuwan zaaradeeshsha? Ba xanttaakka tana aissi xanttadeeshsha?

¹³He wode taani haiqqidabaa gidiyaakko, ha77i shemppada xiskkaas shin! Qolettida sohota banttau zaaretti keexxida sa7aa kawotuuranne eta zoriyaageetuura, worqqai de7iyoonne bantta keettan biraa kunttida halaqatuura issippe duufuwan zin77aas shin!

¹⁶Woikko aayee uluwaappe boshettidi yelettida na7adan, woikko gallassa poo7uwaa ainne be7ibeenna yiiraadan, taani biitta giddon qosettaichcharkkinaashsha!

¹⁷Duufuwan iitati bantta iita oosuwaa aggoosona; yan daafuranchchatikka shemppoosona.

¹⁸He sohuwan qashuwaasatikka shemppidi ufaittoosona; oosuwaa ootissiyaageetu waasuwaa eti hegan siyokkona.

¹⁹Guuttai gitaikka yan de7ees; ailleekka ba godaassi ailletiyoosaappe kiyees.

²⁰“Metuwan de7iyaageetuyyo poo7oi aissi imettidee? De7oi cammiyoogeetussi,

²¹haiqoi yanddeeshsha giidi amottin, yeennan ixxiyoogeetussi, qotti wottido buquraa koyiyoogaappe aattidi, haiquwaa koyiyaageetussi,

²²duufuwaa biidi gakkiyo wode, ufaissaaninne ililssan poocammiyaageetussi de7oi aissi imettidee?

²³Ogee bayiichchido uraassi, Xoossai a yuushuwaa dirirggido uraassi poo7oi aissi imettidee?

²⁴Qumaa miyoogaa gishshaa oolais; ta oolee aggennan goggiya haattaa mala.

²⁵Taani yayyidobai ta bolli gakkiis; taani dagammidobaikka tanan haniis.

²⁶Taayyo metoppe attin, saroi, woppinne shemppoi baawa” yaagiis.