Iyyooba Maxaafaa 13

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Hagaa ubbaa ta aifee be7iis; ta haittaikka siyidi akeekiis.

²Intte eriyoogaa taanikka erais; taani intteppe laafikke.

³SHin taani Ubbaa Danddayiya Xoossaassi haasayanau koyais; inttenaara gidenna. Taani ta mootuwaa aara mootettanau amottais.

⁴Intte erenna asa gidiyoogee erettennaadan, wordduwan kammeeta; intte ubbaikka pattenna aakimeta.

⁵Intte ubbai co77u giidaa giderkketiishsha! Yaatiyaakko, inttena asai aadhdhida eranchcha gaana shin!

⁶“Ha77i ta mootuwaa siyite; ta doonaappe kiyiya palamaa ezggite.

⁷Intte Xoossaa doona gididi, wordduwaa haasayeetiiyye? A gishshaa eqqidi, cimobaa haasayeetiiyye?

⁸Intte a maaddiyoobi de7ii? Woikko ayyo xabaqa gididi mootetteetii?

⁹I inttena pilggi xeelliyaakko, intteppe lo77obaa demmanee? Intte asaa cimmiyoogaadan, a cimmanau danddayuuteetiiyye?

¹⁰Intte geeman asaa som77uwaa xeellidi maaddikko, Xoossai tumu inttena seerana.

¹¹A bonchchoi inttena daganttennee? A anggai inttena yashshennee?

¹²Intte odiyo leemisoti bidintta mala pattennaageeta; intte shiishshiyo palamai urqqaappe merettida gonddalliyaa mala.

¹³“Ane co77u giite! Taani haasayana; hagaappe guyyiyan, ba hanaa hano.

¹⁴Taani tana gakkiyaabaa, haiquwaa gidiyaakkokka, ekkanau giiga uttaas.

¹⁵Be7ite, Xoossai tana woriyaabaa gidikkonne, taani a danddayan naagana. Gidikkonne, taani ta mootuwaa a sintti shiishshana.

¹⁶Nagaranchcha asi a sintti shiiqanau danddayenna; hagee taani shiiqanau xaliyoogee, ooni erii, ta atettaassi gaaso gidanau danddayees.

¹⁷Ta haasayaa akeekidi siyite; taani odiyoogee intte haittan gelo.

¹⁸Be7ite, taani ta mootuwaa giigissaas; shatimmanaagaakka erais.

¹⁹“Abeet Xoossau, neeni tana mootanau yai? Neeni tana mooranchcha kessikko, taani co77u gaada haiqqana.

²⁰SHin neeni taayyo ha naa77ubata ootta; oottikko taani neeppe geemmikke.

²¹Tana qaxxayiyoogaa agga; tana daganttoppa.

²²Hegaappe guyyiyan, tana xeesa; xeesin taani koyana. Woikko taani haasayin, taayyo zaarada haasaya.

²³Bau, taani moorido mooroinne nagarai aappunee? Ta balaanne ta nagaraa ane tana bessa.

²⁴“Neeni aibissi ne som77uwaa taappe genttai? Qassi tana aibissi ne morkkedan qoodai?

²⁵Tana, carkkoi efiyo boncco malaa, yashissuutee? Woikko melida suulla malaa yedettuutee?

²⁶Neeni ta bolli xaafido mootoi camo; harai attin, taani yelagatettan de7aidda oottido mooruwaanne ashshabaakka.

²⁷Neeni ta tohuwaa toho biratan qachchadasa; ta tanggiyo tanggo ubbaa wochchaasa; ta tohuwaa kottiyaa pilgga xeellaasa.

²⁸Taani musidabaadaaninne bil77ai miido afaladan musais.