Diyoba 3

1

2

3

4

38

40

42

¹Diyoba ena lava vaitedi a miyana laḡan 7 mulidimo, kaka Diyoba gagali i waitubu, ena tubuḡa laḡanina i laupaliibe.

²Bi i giuna gado,

³“Egu tubuḡa laḡanina Maimaituwa kwa bwali kamaḡe. Dudubalinemo e tubuḡa bi mabai a kitagu. Bi a giuna a gado, ‘Weeo gomana olotona i tubuḡa,’ mba dudubalina e daboke, kwa bwali kamaḡe.

⁴Mba laḡanna ba yai boimatuwa! Maimaituwa noke nuwana ya yavuḡa, ḡome mote yanayana ima kena.

⁵Boimatuwa pilina mba laḡana ya suma yaḡosi. Kaka yada dubadubana ya sumatawi, bi dudubala wai nuwa nainailina mba laḡanna ya sumatawi wainaili.

⁶Boimatuwa pilina mba dudubalina ya pili yaḡosi. Niga dudubalina mote imai nuwavisu munaḡa maibena laḡan ḡesaudi kwalabu noponemo. Mba dudubalina mote sima i iyevi munaḡe.

⁷Mba dudubalina kwa voiye te wai bani geḡana, ḡome mote maso wainuwavisu bi yasisi.

⁸Taubwalabwalau kwa giuwedi te mba laḡana sa pasili otiye. Tedi mabai mwata a sunesuneḡidina mba laḡanna sa pasili.

⁹Mba dudubalina mote tinagu bwagana i gudu. Tana egu pilipili i kadidigi otiye. Taunana aubaina mba oleolelina kipolidi sai dudubala. Mba dudubalina laḡan ya egeli bi mote ima yana makai.

¹¹Bai aubaina egu tubuḡa laḡannemo mote e peki? Bai aubaina tinagu bwaganemo mote e peki?

¹²Bai aubaina tinagu i bewabewa watawatagu? Bai aubaina i waisusu watawatagu?

¹³Egu tubuḡa laḡannemo bi e peki maso niganana tunigu i kalaḡauku. Bi niganana maso ba egu pekimo e wai yawasi.”