1Wiki sa aupe mai mida gagalolepona, Iob gagaloleidie ualene inawa gamosana walamawa aiawa badowa mampe wadabuasan.
2Iob wanase,
3“Ne inana gamonena walamawa e siniepaaubepona ita tadina sa mo waienase, ‘Oto mona mulen.’
4Walama sa iwinlepona! God iono mai banusapi, ita sapa mai osowe me sapasapi.
5Iwin debama walama sa nopesapi; Giou rupusapibodepi; ita iwin ema inana gamonena walamawa saanasapi.
6Iwin debama tadina sa wadepidodepi! Tadina sa mai nuaeulepi ena sa bedewe walama isiwa ruau; ita mo mai walama sa wisiantopu ena sa bedewe.
7Oa, tadina sa mai ipawa itupi; ita nuaeu kawa me bedewe mai etapu.
8Wene apanawa walama ema badowaida wadabuasapu; mo ipa sa owa motawa debamaia poru wadamesawa atenton.
9Tadina sa ne inana bupe oto dua intawa mai gudulepona, ita poka saiwa mainawo mai weregasapona. Sa baiwa tadina sa walama kiporawa dubasampa; ita sapa banusapi tane mai donsapi, dia, ita mai tadinaida omo emawa siapa ewepi, dia.
11Ambi ne mai bonteapona inana gamonena walamawa oso? Ne inana bupe nonedina dianteapona?
12Dima baiwa inana imimpa endolene gamonen? Dima baiwa inana amawa mampe ne amamanen?
13Ne inana gamonedia walamawe, bonteape iape daina winapona; ne itunteipe bubuanteipona.”
