Iyyooba Maxaafaa 20

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Naa7ima biittaappe yiida Xoofaari hagaadan yaagidi zaariis;

²“Ne haasayai tana lanccissido gishshau, taani ainne takkennan ne haasayaayyo zaaruwaa immana.

³Ne cashsha haasayaa taani siyais; siyin ayyo bessiya zaaruwaa tana imma imma gees.

⁴“Asa biittaa bolli wottido wodiyaappe doommidi, beniisappekka nagaranchcha asatu ceeqoi qantta wodiyaassa gidiyoogaa, Xoossaa erenna asatu ufaissaikka liphida aifee xeellanaashiina gidiyoogaa neeni eraasa.

⁶Iita asi shaaraa gakkanaashin aduqqikkokka,

⁷i buhiyaadan pitetti xayana. A eriya ubbai, ‘I awan de7ii?’ yaagana.

⁸Aimuwaadan i paalli xayana; simmidikka beettenna; qammaa ajjuutaadan i xayi bayana.

⁹A be7ida aifeti naa77anttidi, a be7okkona; i ba de7iyoosaappekka tippi giidi xayana.

¹⁰Iita aawai bonqqi ekkido miishshaa a naati bantta kushiyan guyye zaarana.

¹¹Payyanne mino gidiya a bollai guutta wodiyaappe guyyiyan, biitta kiyana.

¹²“Iita asa doonan iitatettai qumadan laqilaqikkokka, i ba inxxarssaappe garssa baggaara genttikkokka,

¹³wurennaadan ba doonan coommiiddi, wotti bayikkokka,

¹⁴a ulo giddon a qumai laamettana; laamettidi woriya shooshshaa yiishshaa mala au gidana.

¹⁵Iita asi ba mittido duretettaa haa cuchchana; a uluwaappe Xoossai cooshshidi kessana.

¹⁶Iita asi mittiyoobai au yiishsha gidana; shooshshaa yiishshaa mala gididi, a worana.

¹⁷Eessainne maattai haattaadan goggishin, i be7ennan haiqqana.

¹⁸Ba daafurido daafuraa cawaa meennan, haraassi sheedhdhana; zal77idi worissido ba woriyankka ufaittenna.

¹⁹Aissi giikko, hiyyeesata i un77ettiis; eta shenehoo giis; hara asi keexxido keettaakka bau ekkiis.

²⁰“A yiiqiyau zawi baawa; ba dosiyoobaa xarzzanau danddayenna;

²¹i miidoogaappe guyyiyan, aibinne attenna. Hegaa gishshau, a duretettai gam77enna.

²²I daro aquwaa demmiyo wode, metoi akeekennan a bolli gakki wodhdhana.

²³I miidi kallishin, Xoossai a qaxxayanau ba suulliya hanqquwaa a bolli gussana.

²⁴Birata bisuwaappe i baqatana; shin nahaasiyaa zubbee a caddana.

²⁵He zubbee ayyo zokkuwaara kantti kiyana; he phooliyaa xeerai a tiriyaa kanttidi, ciyyiyaa gussana. Hegaa gishshau, dagamai a wozanaa shabbirana.

²⁶“I shiishshido aqo ubbai xayana; asi eettibeenna tamai a maana; a keettan attida asai ubbaikka taman meetettana.

²⁷Saloti ha bitaniyaa nagaraa qonccissana; biittaikka a bolli markkattana.

²⁸Xoossai hanqqettidi ehiyo beetan a keettainne ayyo de7iyaabai ubbai shohettidi baana.

²⁹Xoossai iita asatuyyo wottido qaadai hagaa” yaagiis.