Joba 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Te phoeiah Job loh a ka te a ang tih a khohnin te a tap.

²Te vaengah Job loh a doo tih,

³Amah kah thang nah khohnin neh, “Tongpa a yom,” a ti hlaem khaw paltham mai saeh.

⁴Te khohnin te a hmuep la om palueng vetih, Pathen loh a so la toem pawt mako. Te dongah vangnah loh te soah sae boel saeh.

⁵Te te hmaisuep neh dueknah hlipkhup loh suk saeh. A soah khomai yaal saeh lamtah, hlahmop hnin bangla let saeh.

⁶Tekah hlaem te a hmuep loh lo saeh lamtah kum khat kah khohnin dongah a kohoe boel saeh, hla taenah dongah khaw kun boel saeh.

⁷Tekah hlaem te pumhong la om saeh lamtah a khuiah omngaih laa cuen boel saeh ne.

⁸Khohnin thae aka phoei thil tih, a coekcoe la Leviathan aka haeng loh, te te tap saeh.

⁹Hlaemhmah aisi khaw hmuep saeh lamtah, khosae te lamtawn cakhaw sae boel saeh, mincang khosaeng te hmu boel saeh.

¹⁰Ka bungko thohkhaih te a khaih mai vetih thakthaenah he ka mik lamloh a thuh mai kolla.

¹¹Balae tih bung khuiah ka duek pawh. Bungko lamloh ka thoeng tih ka pal hae.

¹²Balae tih khuklu loh kai n'doe, balae tih rhangsuk loh n'khut.

¹³Ka yalh to palueng koinih dingsuek la ka ip mong vetih ka duem lah ni.

¹⁴Manghai rhoek neh a imrhong aka thoh diklai olrhoep rhoek taengla,

¹⁵Amih taengkah sui mangpa rhoek neh a im ah tangka aka hawn rhoek taengah.

¹⁶Rhumpu bangla n'thuh kanoek vetih vangnah aka hmuh noek pawh camoe rhoek bangla ka om pawt mako.

¹⁷Teah te halang rhoek loh khoponah a toeng uh tih thadueng aka bawt khaw pahoi duem.

¹⁸Thongtla rhoek te rhenten rhalthal uh tih, tueihno ol ya uh pawh.

¹⁹Tanoe neh kangham khaw amah la om pahoi tih sal khaw a boei taeng lamloh sayalh coeng.

²⁰Balae tih thakthaekung taengah vangnah, hinglu khahing taengah hingnah a paek?

²¹Dueknah hamla aka rhingda long khaw dang hae pawt tih kawn lakah te te a too.

²²Phuel a hmuh uh vaengah omngaihnah neh a ngaingaih la a kohoe uh.

²³A longpuei te hlang ham tah a thuh dae a taengah Pathen loh a mak pah.

²⁴Ka buh hmai ah ka hueinah ha pawk tih ka kawknah he tui bangla pha.

²⁵Birhihnah neh ka birhih akhaw kamah m'vuei tih ka rhih nawn te khaw kamah taengah thoeng.

²⁶Ka dingsuek pawt tih ka mong pawh, ka duem pawt vaengah khoponah ha thoeng,” a ti.