Job 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Tukun wik sac, na Job el fah kasla ac selngawi len se ma osweyukla el.

²El fahk,

³“O God, selngawiya fong se ma srimetak nga ah; Ac len se ma osweyukla nga!

⁴O God, ekulla len sac nu ke lohsr lulap. Nimet kom sifil esam len sac; Ac tia pac lela tuh in oasr kalem tolak len sac.

⁵Oru tuh in sie len ohkok ac lohsr matoltol; Afinya ke pukunyeng, ac kosrala kalmen faht uh liki.

⁶Eela fong sac liki yac uh, Ac tia lela in sifil oekyuk.

⁷Oru tuh in wangin koanon fong sac, Sie fong wangin pusren engan lohngyuk.

⁸Lela tuh mwet inutnut in selngawi len sac, Elos su etu in pirakak kosro sulallal Leviathan.

⁹Lela tuh itu Nasren in tia tolak, Ac oru tuh lohsr lun fong sac in lohsr na, ac tia sifil kalmelik.

¹⁰Selngawiya fong sac lah pwanang nga isusla, Ac oru nga pula ma upa ac keok.

¹¹“Nga ke ngan misa na insien nina kiuk ah, Ku ke pacl se na ma osweyukla nga ah.

¹²Mwe mea nina kiuk ah in sruokyuwi finyepal? Mwe mea elan katitiyu?

¹³Nga funu misa na in pacl sac, nga lukun mongla na in pacl inge,

¹⁴Oanna motul oana tokosra, ku mwet leum Su sifil musaela inkul matu sin mwet leum uh.

¹⁵Nga lukun motul na oana fisrak Su nwakla lohm selos ke gold ac silver,

¹⁶Ku motul oana sie tulik fusr ma misa na meet liki el isusla uh.

¹⁷In kulyuk uh, mwet koluk ac tila orekma koluk, Ac mwet orekma su totola elos eis pacl in mongla lalos ke elos oan in kulyuk uh.

¹⁸Mwet sruoh ma misa tari elos muta in misla, Ac elos sukosok liki pusren sapsap ac kas kou.

¹⁹Mwet nukewa ac sun misa — mwet pwengpeng oayapa mwet tia eteyu — Ac mwet foko elos sukosokla.

²⁰“Efu ku kom oru tuh mwet uh in mutana in moul keok? Efu ku kom sang kalem in tolak mwet asor?

²¹Elos tupanna elos in misa, a elos tiana misa. Elos lungse kulyuk uh liki kutena mwe kasrup.

²²Elos ac tiana engan nwe ke na elos misa ac pukpuki.

²³God El okanlana ma ac sikyak nu selos tok uh, Ac El kosralosla tuh elos in tia ku in oru kutena ma.

²⁴Nga tia mongo — nga tung na, Ac nga tia ku in kutongya sasao luk.

²⁵Ma nukewa ma nga sangeng ac sensen kac uh sikyak.

²⁶Wangin misla nu sik, wangin mongla luk, Ac wangin saflaiyen mwe lokoalok nu sik.”