Diyobi 3

1

2

3

4

38

40

42

¹Habahim Diyobi ya fatubu ya kaumananaen.

²Iyen, Aee–, Guyau, ibe edi fuya yosigu, tabu ti nuwatuhui, na maihonana tiyen, “gwama sa yosi!”

⁴Lahaina ni u bui be i kamumu; Haba Yaubadana ibege i modeꞌen. Tabu mala i sina, ai hewana.

⁵Lahaina i kamumu lubilubi, yo yada dubadubadi, galewa yo maihala ti fakoudi.

⁶Iꞌipa, kamumu i abi didini; Tabu edi fuya yosigu lahaina ti fatili esegahi, egu fuya tubu lahaina ti saufahi!

⁷Iꞌipana i agali, doha waihin hige i fanatu. Tabu kwade laꞌilaꞌi maihona yai ni.

⁸Tau kaukaumanana lahaina ni ti kaumananaen, safalumadi sa nonoha bena Lewaitan sa liba faleꞌo fahi.

⁹Hwalahwalala kipwaladi tabu ti mala, yo tabu i ifi tatatali. Lahai i bagi asahai.

¹⁰Beyabeyana tabu ti yosigu, be pilipili tabu ya fahoinadi.

¹¹Sidohana be hige ya peꞌi, tinagu bogana ganahewana yai? Ye ena fuya yosigu yai?

¹²Sidohana be tinagu ya labalabaigu, yo ya fafanomgu?

¹³Ibe moho E peꞌi, egoba E anyawasi esega.

¹⁴Maidagu kin yo babada tanoꞌubu yai, safalumadi edi luma loholohodi haꞌa sa lau ginauli na aho te sa faheyayadi.

¹⁵Yo maidagu tau foyafoya fafagoledi, edi luma siluba sa famohafu.