Job 3

1

2

3

4

38

40

42

¹Noko taparorone raghanine getana iiyabo iyisisiya bi murine, na Job ikararupama da ere ghakighakina sinananaki ivitubuyina gabudarina ivisisiya beroveni.

²Iwona bo,

³“O God, sinagunaki ivitubuyigu na gabudarina kasunaghataveni da kate nubabasune siwona bo, ‘Tomogha itubugha.’

⁴Noko gabudarina na inididibari! God kiidamove kate geininoyenina, da yeghana kate geinarukarata debanena.

⁵Wiididibara ghamana noko gabudarina inibonuvi; Uwa wowonagha inasowo mumu, bi mmko wiididibarina inabera da sinagunaki ivitubuyiguna gabudarina inanaghara kirakii.

⁶Wiididibara ghamana noko nubabasuna inakabitawani! Noko nubabasuna kate geininuwamiise ware gabudara mududi naboni bodu tana kamone; genoko boduna kamone sinakabiyawa wiikapuna.

⁷Noko nubabasuna na inigagara, getana nuwamiise rukwatudi sinawaiyana.

⁸Imapu damdi iiyawogha sakovi da metagha yegii motana ghamanakina sinakasiwiimatakina, na toudi damdi mmko gabudarina sinawona imimagi.

⁹Rubana raghani boribori kewokewona inididibari, rubana da raghani yeghanina inakoyagha kawakawa da raghani didigubana na geinakitana,

¹⁰kiiravine noko wiididibarina sinagunaki raparapana matamketana geiyagudu bodenina, getana piropiro gwabiguma iyikowoyidina.

¹¹Iyamiise da sinagunaki kamokamone ayarabobo, bo ayatubutubugha na raghanine ayarabobo.

¹²Awaki kiiravine sinagunaki manonone ivikenegu? Bi awaki kiiravine susunama ivisusugu?

¹³Memeda yagu tubugha raghanine ayarabobo, na tagu ayakenayowogha, ayiraborabobo; Augunai da tagu ayakenakena, bi nuwaruririye ayiiyawiitaveyana.”