Job 3

1

2

3

4

5

6

7

8

9

11

12

13

14

19

31

38

42

¹Idi siya di, nankali si Job et binaosana din agew ay naianakana.

²Kanana,

⁸“Din nankalalaing ay manbaos ay makabael ay manbalaga sin kaeegyat ay bowaya sin baybay, binaosan da koma din agew ay sana.

⁹Adi koma binmala din batakagan ay nansilaw sin pinmat-aana. Maga koma di nantongpalan di nansedsed-an din agew ay sana sin pinmat-aana. Adi koman natoloy din kaaggewana.

¹⁰Mabaosan koma din labi ay sana tan adi na tinopap di binmalaak sin eges en inak, ta adiak koman lak-amen dana ay ligat.

¹¹Apay nga adiak et natey sin eges inak ono sin binmalaak?

¹²Apay nga binmakwa pay laeng si inak ya nansosoak?

¹³Ta mo nateyak et koma, ed wani yan man-il-illengak.

²⁰Apay nga matago pay laeng di ipogaw ay palalo di ligat ya ladingit da?

²¹Laylayden da ay matey, ngem baken say maamag en daida. Nasursurok din iyat da ay manganap sin pese mo din gaget di manganap si naitabon ay kinabaknang.

²²Et palalo di ragsak da mo datngen dan pese ya maiponpon da.

²³Apay nga matago pay laeng di ipogaw ay sinalinan Diyos di masakbayana?

²⁴Adiak makakan begew sin ladingit ko. Kaman omayos ay danom din kaad-adon di bayeweng ko.

²⁵Amin din emeg-egyatak et tinmet-ewa da.

²⁶Magay talnak ya pan-illengak ya magay pap-eng di problimak.”