Yuba 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Na xanbi ra, Yuba yi a dɛni bi, a yi a bari lɔxɔn danga.

²Yuba yi a fala, a naxa,

³“N bari lɔxɔn xa raxɔri, e nun kɔɛna muxune a fala waxatin naxan yi, e naxa, ‘Dii xɛmɛn bata bari!’

⁴Na lɔxɔn xa findi dimin na, Ala mako nama lu a ma kore, kɛnɛnna nama fa mini a ma sɔnɔn.

⁵Dimi gbeen xa a suxu, kunda fɔrɛn yi godo na lɔxɔn ma, han dimin yi sogen suxu.

⁶Na kɔɛɛn xa findi dimi gbeen na, a nama fa yatɛ ɲɛɛn lɔxɔne yɛ a nama fa lu kikene yi.

⁷Na lɔxɔn xa findi gbantan na, sɛwa xui nama lu a yi.

⁸Naxanye gbalo lɔxɔne fe falama, naxanye fatan ige yi sube ɲaxin naxulunɲɛ, ne xa na lɔxɔn danga.

⁹A subaxa ma sarene xa yidimi, a yengi xa lu kɛnɛnna xɔn, koni a nama a to, a nama xɔtɔnna to.

¹⁰Amasɔtɔ, a mi sese ligaxi alogo n nama sɔtɔ, a bata n lu, n yi sɔxɔlɛni ito sɔtɔ to.”

¹¹“Nanfera n mi faxa n to bari? Nanfera n mi faxa n xali lɔxɔni?

¹²Nanfera n bata xinbi firinna li n yɛɛ ra n nasuxudeni, e nun xiɲɛne alogo n xa xiɲɛn min?

¹³Xa n yi faxa nun, a lima nɛn nun n saxi n ma gaburun na bɔɲɛ xunbenli, nayi, n yi xima nɛn xaxili sani nun

¹⁴manga fonne fɛma, bɔxɔn kuntigine, naxanye banxi faɲine tixi naxanye kalaxin bata lu iki,

¹⁵e nun kuntigi fonne fɛma, xɛmaan yi naxanye yii, naxanye e banxine rafe gbeti fixɛn na.

¹⁶Xanamu, a yi lan nun n mi balo, alo diin naxan faxaxi barixi, a mi kɛnɛnna to.

¹⁷Bayo, muxu ɲaxine mi fa walima gaburun na, muxu xadanxine e matabuma dɛnaxan yi.

¹⁸Kasorasane fan birin yi bɔɲɛ xunbenla sɔtɔ, e mi fa ɲaxankata tiin xuiin mɛma sɔnɔn.

¹⁹Sɛnbɛtaren nun sɛnbɛ kanna na, konyin yi xunba a kanna ma.

²⁰Nanfera Ala, i kɛnɛnna fima tɔrɔ muxune ma? Nanfera i siimayaan fima muxu nimisaxine ma,

²¹naxanye faxan mamɛma, a mi fama, naxanye sayaan fenma dangu nafunla ra?

²²Bayo e yi luma nɛn sɛwani e na siga laxira yi, e bɔɲɛn yi xunbelima nɛn e na maluxun waxatin naxan yi.

²³Nanfera muxun luyɛ a nii ra naxan mi kira yo toma a sigɛ naxan xɔn, Ala yɛtɛɛn naxan saxi sansanna kui?

²⁴N ma tɔrɔne bata findi n balon na, n gbelegbele xuiin minima alo igena.

²⁵N gaxuxi naxan birin yɛɛ ra, na nan n sɔtɔn be. N yi gaxuxi tɔrɔn naxanye yɛɛ ra, ne nan n fari be.

²⁶N mi fa raxaraxi, n mi bɔɲɛ xunbelixi, n mi n matabuma, n kɔntɔfilixi yɛyɛ.”