Iyyooba Maxaafaa 33

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Iyyoobaa, ha77i taani yootiyoogaa siya; ta giyoobaa ubbaakka ezgga.

²Taani haasayanau giigaas; ta qaalatikka ta inxxarssaa xeeran de7oosona.

³Ta haasayiyo qaalati ta wozanaa suuretettaa qonccissoosona; taani eriyoogaa ta inxxarssai tumatettan haasayees.

⁴Tana Xoossaa Ayyaanai medhdhiis; Ubbaa Danddayiya Xoossaa shemppoi taayyo de7uwaa immiis.

⁵Neeni danddayiyaabaa gidikko, taayyo zaaruwaa imma; nena giigissada, tanaara gaitta.

⁶“Be7a, taani Xoossaa sinttan ne mala; qassi taanikka urqqaappe merettaas.

⁷Neeni taassi yayyiyo gaasoi baawa; taani nena naaqqikke.

⁸“Ne haasayaa ubbaa taani ezggaidda takkaas; neeni hagaadan yaagishin siyaas;

⁹‘Taani geeshshanne boree bainna asa; taani xillonne nagara oottabeenna asa.

¹⁰SHin Xoossai tana qaxxayanau gaasuwaa koyees; i tana ba morkkedan qoodees.

¹¹Ta tohuwaa toho biratan qachchees; taani tanggiyo tanggo ubbaakka i wochchees’ yaagadasa.

¹²“Iyyoobaa, neeni ha haasayan likke gidakka! Ane taani neeyyo yootais; Xoossai asappe aadhdhees.

¹³Neeni, ‘Xoossai taani haasayido haasayau zaaruwaa immenna’ gaada, aissi aara palamettai?

¹⁴Asi akeekennappe attin, Xoossai ha ogiyaarakka he ogiyaarakka haasayees.

¹⁵“Asai qammi hiixan zin77idi, xiskkuwaa kairido wode, Xoossai aimuwaaninne ajjuutan haasayees.

¹⁶He wode asai siyanaadan haittaa dooyees; ba seerankka i eta daganttees.

¹⁷Yaatidi asi nagaraa oottennaadan teqqees; otoruwaakka asaappe diggees.

¹⁸Xoossai asaa bashshaappe ashshees; haiquwaappekka naagees.

¹⁹“Xoossai sakkiya harggiyan asaa oittidikka, asi ba balaappe simmanaadan seerees.

²⁰Hegaadan hanidi, harggida uri kattaa ixxees; daro mal77o qumaikka a sheneyees.

²¹A ashoikka gilqqidi wurees; a bollaikka melin, meqettai qoodettees.

²²I haiqqanaunne moogettanau hanees.

²³“Asau suure ogiyaa bessiya, sha7an qoodettiya kiitanchchatuppe issoi ayyo gaannatanau yiyaakko,

²⁴yiidikka ayyo qarettidi, ‘I duufuwaa gelennaadan a ashsha. Taani ayyo woziyoobaa demmaas’ yaagiyaakko,

²⁵a bollai yelagana; a yelagatettaa wolqqaikka ayyo simmana.

²⁶He bitanee Xoossaa woossana; woossin Xoossai a woosaa siyana. Xoossai ayyo a xillotettaa zaariyo gishshau, i ufaissan Xoossaassi goinnana.

²⁷He wode asaa sinttan i hagaadan yaagidi yexxana; ‘Taani nagaraa oottaas; suurebaakka geellayaas; shin Xoossai ta mooruwaadan taayyo qanxxibeenna.

²⁸Taani duufuwan gelennaadan tana ashshiis; hekko, ha77i paxa de7ada, poo7uwaa be7ais’ yaagana.

²⁹“Be7ite, Xoossai asaassi hagaa ubbaa zaari zaaridi oottees;

³⁰hegaadan oottidi, asaa duufuwan geliyoogaappe ashshees; de7uwan i ufaittanaadan oottees.

³¹“Simmi Iyyoobaa, taani yootiyoogaa ezggada siya. Ane neeni co77u gin, taani haasayais.

³²Neeni haasayanau koyiyoobi de7ikko, taayyo haasaya. Taani neeni xillo gidiyoogaa bessanau koyais.

³³Hegee xayikko, co77u gaada, taani haasayiyoogaa siya. Nena taani aadhdhida eratettaa tamaarissana” yaagiis.