Zobi 3

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Beto si zama vura se Zobi meke leve nia sa sa rane sapu podo si asa.

²Zama se Zobi,

³“Kei Tamasa, Mu leve nia sa boṉi sapu tava gavoro si arau; Mamu leve nia sa rane sapu podo si rau.

⁴Sa rane asa si Mamu va huporo ia, Tamasa; Mamu lopu balabala pule hokara ia sa rane asa, mani loke kalalasa kamo la ia.

⁵Mani vagia na huporo dudukurumu sa rane asa, meke va moata nia hinuporo; va opoadumu nia lei, pude va muho tamunia sa rimata.

⁶Va rizu ia sa boṉi asa koasa vuaheni, meke lopu va somana ia koari na sidara.

⁷Va tige ia sa boṉi asa, mani loke vevehe qinetuqetu si ta avoso koasa.

⁸Madi leve nia ri na matemateana sa rane asa, arini pu boka va tekulu pule mae ia sa kurukuru Leviatani.

⁹Mani lopu kalalasa mae sa pinopino habia; mani aqa nia sa rane, ba lopu va kamo nia vaqavaqasa.

¹⁰Leve nia sa boṉi asa sapu va malumu au pude ta podo, sapu va dogoro nau sari tinasuna na tinalotaṉa.

¹¹Leana si be mate qua mo pa tiana sa tinaqu, babe podo mate qua mo.

¹²Vea ke kuka au tu sa tinaqu pa tuṉutuṉuna, meke va susu au tu sa?

¹³Be mate si rau, si kote ele eko vata bulebulei qua, be ele puta meke magogoso qua tu.

¹⁴Puta gua ari na baṉara na ṉati hiniva, arini pu kuridi sari na vetu baṉara koadi pukerane.

¹⁵Be ele mate qua, be kamahire puta gua rina koburu tavia si rau, arini pu va siṉi ni qolo na siliva sari na dia vetu,

¹⁶babe gua rina koburu pu mate mae pa tia meke podo, meke lopu dogoria sa kalalasa.

¹⁷Pa lovu si noso sari na tie kaleadi, meke magogoso koari na dia tinalotaṉa.

¹⁸Sari na tie ta pusidi ba qetu nia sa binule, ta rupaha koari na hidaka na ginegese.

¹⁹Hiteke na lavata si koa vasina, tie arilaedi na tie loke guguadi, meke ari na pinausu si ta rupaha vasina.

²⁰Na vea ke va kuliusu ekoi mo sari na tie? Na vea ke poni kalalasa saripu koa talotaṉa?

²¹Aqa nia rini sa minate, ba lopu kamo mae; na lovu si okoro nia rini, hola nia sa tinagotago.

²²Lopu qetu si arini osolae mate meke ta pomunae.

²³Na vea ke ta poni pa tie sa tinoa, beto si tomea tu Tamasa koasa sa siraṉa vugo repere, meke ta kopu totoko pule tu koe Tamasa?

²⁴Na kinabo mo si guana hena ia rau, meke lopu boka beto hilala si rau.

²⁵Sapu matagutu nia rau si raza mo koa rau, sapu mala nia rau si ta evaṉa nana mo koa rau.

²⁶Loke qua binule, loke minagogoso, meke sari qua tinasuna si loke vina betodi.”