Iyyooba Maxaafaa 36

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Eelihu gujjidikka hagaadan yaagiis;

²“Xoossaa doona gidada taani neeyyo yootiyoobai biron de7iyo gishshau, guuttaa danddayada siya.

³Taani ta eraa zaassada ehais; tana Medhdhidaagee xillo gidiyoogaa taani nena erissana.

⁴Taani worddo haasayikke; kumetta erai de7iyo uri nenaara de7iyoogaa ammana.

⁵“Be7a, Xoossai wolqqaama; shin i oonanne karenna. I akeekaukka mino.

⁶Iitata i paxa wottenna; shin huqqunnettidaageetu maataa i naagissees.

⁷Xoossai ba aifiyaa xillotuppe denttenna. I eta kawotuura utissidi, merinau xoqqu xoqqu oottees.

⁸SHin asai sanssalatan qashettikko, woikko tuggaa wodoruwan oiqettikko,

⁹i eta oosuwaanne otoruwan eti oottido nagaraa qonccissees.

¹⁰Seeraa siyanaadan eta haittaa dooyees; nagaraappe simmanaadankka i eta azazees.

¹¹Eti siyidi, ayyo oottikko, bantta laittaa saruwaaninne ufaissan wurssana.

¹²SHin eti siyennan ixxikko, olan wurana; eti eraa xayido gishshau haiqqana.

¹³“Xoossaa ammanenna asati bantta wozanan yiilluwaa dagayoosona; i eta qaxxayiyo wodekka, maadda giidi woossokkona.

¹⁴Eti bantta yelagatettan haiqqoosona; eta de7oikka yeellan wurees.

¹⁵Xoossai tuggatiyaageeta eta tuggan tamaarissees; i eta metuwaa baggaara eta sissees.

¹⁶“Xoossai nena metuwaappe kessiis; kessidi metoi bainna aaho sohuwaa efiis; ne miyo masoofiyankka modhdhuwaa guuppiis.

¹⁷SHin ha77i iitatu bolli gakkanau bessiya pirddai ne bolli gakkiiddi de7ees.

¹⁸Nena ooninne duretettaa bessidi cimmennaadan, daro mattaayiyankka balettennaadan naagetta.

¹⁹Ne aquwaa daroi woikko ne minotettai nena metuwaappe ashshanee?

²⁰Kawotettati bantta sohuwaappe xayiyo qammai yaanaadan amottoppa.

²¹Ha metoi ubbai nena gakkidoogee, nena iitaappe ashshanaassa. Hegaa gishshau, iitatettau guyye simmennaadan nena akeeka.

²²“Xoossai ba wolqqan xoqqu xoqqu giis! A mala asttamaaree oonee?

²³‘Hagaa ootta’ giidi Xoossaa azaziya asi, woikko, ‘Neeni iita ooso oottadasa’ yaaganau danddayiya asi baawa.

²⁴Asai mazamuriyan sabbido a oosuwaa neenikka sabbanau hassaya.

²⁵Asai ubbai Xoossaa oosuwaa be7iis; shin be7iiddi, haahuwan be7iis.

²⁶Be7ite, Xoossai gita! A gitatettaa nuuni akeekibookko; a laittaa coratettaikka qoodin gakettenna.

²⁷“Xoossai haattaa sa7aappe pude saluwaa efees; efiidi yan ira kessees.

²⁸He irai shaaraappe kiyidi, asau daro bukkanaadan oottees.

²⁹SHaarai waani yuuyiyaakko, dadaikka Xoossai de7iyo saluwan waani guummiyaakko, ooninne erenna.

³⁰I ba yuushuwan wolqqanttaa poo7uwaa laalees; shin abbaa ciimmaa i xuman kammees.

³¹Iraa bukissiyoogan ba asaassi daro kattaakka mokissees.

³²I wolqqanttaa ba kushiyan oiqqees; oiqqidi ba halchchido sohuwaa shocanau azazees.

³³Dadai guummiyoogee uushoi uushanaagaa awaajjees; meheekka uushoi yiyoogaa erees.