Job 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Job weyob sogdebalid:

²“Bab-Dummad-Bela-Gangued-Nikad-nuggine, degine, anga igar-nudaksulid-nuggine, sae-itogega an-imaked-nukine, ise-sogar an soged:

³Amba an dula-gudiidgine, an nue garmakdiidgine,

⁴an gaya-isgana sogosulid, gakansaale an ibmar sogosulid.

⁵Bemar-angi-sunmakedi nabir be sogmarye an sogosulid. Amba an dula-gudiidgine an ibmar-oakalossurye an sogoed.

⁶An ibmar-oakalossursoggu, an sikirmakosulid, gwen akar an binsanaisulid. An dula-gudiidgine gwagegi akar an itogosulid.

⁷”Bab-Dummad, dule-isganamaryobi an-isdarmalad be obeloge. Dule-inniki-nanasurmaladyobi an-isdarmalad be obeloge.

⁸Bab-Dummad dule-isganamar-oburgweye-sogele, ¿bia bar bendakleged amimalosunna?

⁹Amargi boni-dummagan gwichigunonikile, Bab-Dummad amar-ese-binnasuli-goled itogosulid.

¹⁰¿Ar dule-isgana Bab-Dummad-Bela-Gangued-Nikadgi wergudisi? ¿Ar Bab-Dummadse bane-bane gordibarsi?

¹¹An bega Bab-Dummad-e-gangued oyogwelo. Bab-Dummad-Bela-Gangued-Nikad-e-igarmar an bega odukuosulid.

¹²Ar bela bato bemar we-igarmar daksabinmaladde, degite, ¿ibiga bemar yogasaar sunmaknanaisunna?”

¹³Zofar Job-abin weyob sogded: “Bab-Dummad-Bela-Gangued-Nikadi dule-isganamarga we-igarmala sabosad. Bab-Dummadi dule-galagwensurdamaladga sabsur-odurdakleged-igala, weyob mesisad:

¹⁴Ar dule-isgana mimmigan-ichesur-nika-inigwele, amba es-suidgi burgwemaloed, a-e-mimmigandi, ukudmaada gudii gudmaloed.

¹⁵Dule-isgana amba besmalale, boniganse burgwemaloed. E-omegan-bemaloedi, gwen e-suimar-burgwismaladga boosurmaloed.

¹⁶Dule-isganamar, amba mani-bukib ukubyob-onmaksale, mormar suar-ena-ena nikuele,

¹⁷dule-nued-daedi a-mormar yononikoed, dule-inniki-gudiid a-mani sunonibaloed.

¹⁸Dule-isgana-neg-sobedi sikwi-uu-baisur-ayareyob gued, dule-nakuleged-neg-matar-baisur-ayared-sobsadyob e-neg dakleged.

¹⁹Dule-isganamar, napi-mani-ibed-gudii gabiddamalad, neg-oibosale, mani-sate oiboardamalad. Dule-wilegedga nadmalad.

²⁰Dule-isgana neg-ibgine, gwayed-dummad egi nagunonidaed. Neg-mutikgusale, burwa-dummad egi gordanikiyob itodaed.

²¹Burwa-uereged sabsur-gornonikile, we-dule-isgana gwen abin gwisguosulid, burwa-dummadi e-neg-maid sedoed.

²²Bab-Dummadi, dule-isganagi sabsur-yoleged, dule-isgana Bab-Dummadgi, aisaar wakinnoeyob itodaenad.

²³Weyobi, dulemar, dule-isgana-ibitonai-dakarmalale, yeer dakdamalad, ega argan ogotedamalad, ega sabsur-wigoddamalad.”