1Yoobu u kpɑm win ɡɑri ɡerubu toruɑ u nɛɛ,
2nɑ bɔ̃rumɔ nɑ mɔ̀, sere kɑ Yinni Dɑm kpuroɡiin wɑ̃ɑru, wi, wi u yinɑ u mɑn nɛn ɡem wɛ̃, mɑ u mɑn nuku sɑnkirɑnu sosiɑmmɛ,
3ù n ɡesi derɑ nɑ wɑ̃ɑ nɑ wɛ̃siɑmɔ,
4nɑ ǹ weesu mɔ̀.
5Gusunɔ u mɑn bere n kɑ bɛɛ ɡem wɛ̃. Sere kɑ nɛn ɡɔɔn tɔ̃rɔ, ko nɑ n mɔ̀wɑ nɑ dɛɛre.
6Nɑ yɔ̃rɑriwɑ mɑ nɛn dɑɑ yɑ wɑ̃. Nɛn ɡɔ̃ru ɡɑ ǹ mɑn tɑɑrɛ wɛ̃ɛre nɛn wɑ̃ɑrun tɔ̃ru ɡɑru sɔɔ.
7Gusunɔ u de tɔn kɔ̃son kɔkɔrɔ yu nɛn yibɛrɛbɑ deemɑ, be, be bɑ mɑn seesimɔ mi.
8Sɑnɑm mɛ Gusunɔ u tɔn kɔ̃son wɑ̃ɑru wunɑ, yĩiyɔ birɑ̀ bu mɑɑ nùn tie.
9Gusunɔ u koo nùn swɑɑ dɑki sɑnɑm mɛ nɔni swɑ̃ɑrɑ nùn deemɑ?
10I tɑmɑɑ u ko n win nuku dobu kɑsu Gusunɔ Dɑm kpuroɡiin mi? I tɑmɑɑ u koo Gusunɔ kɑnɑ sɑɑ kpuro?
11Kon bɛɛ Gusunɔn dɑm ɡɑri sɔ̃wɑ. Nɑ ǹ bɛɛ win himbɑ beruɑmmɛ.
12Bɛɛ kpuro i wɑ nɡe mɛ u sɑ̃ɑ. Mbɑn sɔ̃nɑ i ɡɑri ɡerumɔ yi yi ǹ ɑsɑnsi mɔ.
13Wee ye Gusunɔ Dɑm kpuroɡii u tɔn kɔ̃so yiiye.
14Bɑ̀ n bibu mɑrɑ bɑ dɑbi, bɑ koo ɡbiwɑ tɑbu sɔɔ. Ben bibu bɑ ǹ dĩɑnu wɑsi bu di bɑ n kɑ wɑ̃ɑ.
15Bɑrɑrɑ tɑ koo ben bwese te tɑ tie suɑ. Ben ɡɔminibu bɑ ǹ kpɛ̃ bu bu swĩiyɑ.
16Bɑɑ bɑ̀ n ɡobi wɑɑmɔ nɡe tuɑ, mɑ bɑ yɑ̃nu ɡurɑmɔ nɡe yɑnim,
17ɡemɡiiwɑ u koo yɑ̃ɑ ni dendi, kpɑ u ɡobi yi di.
18Tɔn kɔ̃so ù n diru bɑnɑ tɑ ko n sɑ̃ɑwɑ nɡe nɑrin wɛ̃ɛ, ǹ kun mɛ nɡe kuu te kɔ̃so u kuɑ.
19U koo ɡbiwɑ kɑ ɡobiɡiru. Adɑmɑ bɑ ǹ nùn sikumɔ kɑ ɡobi yi. U ǹ yi wɑsi ɡɔriɔ.
20Nɑndɑbɑ bu koo nùn deemɑ subɑru sɔɔ nɡe nim mɛ mu dɑru bɔ̃ɔ sɑrɑmɔ. Woo ɡunɑ yɑ koo kɑ nùn doonɑ wɔ̃kuru.
21Sɔ̃ɔ yɑri yerun woowɑ ɡɑ rɑ nùn wuke sɑɑ win wɑ̃ɑ yerun di ɡu kɑ dɑ sere mi n tomɑ.
22Gusunɔ u ko n nùn tweemɔwɑ kɑ wɔnwɔndu sɑriru. Kpɑ u dukɑ yɑkurɑ u wɑ u kɑ sɛ̃ɛ ni suuri.
23Tɔmbu bɑ̀ n wɑ mɛsum kpɑ bu nùn yɛ̃ɛ bɑ n tɑki mɔ̀, kpɑ bu nùn wiɑ koosi sɑɑ ye u doonɔ.
