Job 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Wal Job bin tok,

²“Trubala ai dalim yu. Mi brabli nogudbinji, dumaji det boswan God nomo bin gibit mi feyago.

³Ai garra oldei tok trubalawei langa ol main laif. God na gibit mi laif.

⁵Raidap langa det dei wen ai garra dai, ai kaan dum eni rong ting en ai kaan tok yumob rait,

⁶dumaji ebridei ai sabi ai nomo jidan giltiwan.

⁷“Ai garra prei blanga ol main enamimob garra ardimbat seimwei du, jis laik detlot nogudwan pipul.

⁸Detlot pipul hu oldei jidan nogudbala, maitbi reken dei gin jinginat langa God blanga album olabat, bat najing.

⁹Im kaan irrim langa olabat wen olabat jinginat langa im blanga album olabat.

¹⁰Wal lagijat na ai reken God garra dum langa olabat, dumaji olabat nomo bin laigim im, en olabat nomo prei langa im du.

¹¹“Wal ai garra dalim yumob wanim det boswan God oldei dumbat garram im pawa.

¹²Yumob holot bin luk dislot ting bin hepin. Wal wotfo yumob oldei gibit mi rabishwan wed nomo garram eni mining?”

¹³Wal Job bin kipgon tok, “Dijan na wanim God det brabli haibalawan oldei dumbat langa detlot nogudbala en brabli krulbala men.

¹⁴Olabat gin abum detmatj biginini, bat olabat garra jidanbat hanggriwan en detlot biginini garra daidaibat brabli krulbalawei langa wo.

¹⁵Det najalot biginini garra daidaibat brom det nogudwan siknis en detlot widogel kaan kraikraibat blanga olabat.

¹⁶“Im brabli isibala blanga detlot wikitwan pipul blanga jidan brabli ritjwan en abum detmatj klos.

¹⁷Bat blanga God pipul, olabat garra werrimon detlot klos blanga detlot ritjwan pipul, en olabat garra sherimat ola ebrijing.

¹⁸Detlot wikitwan pipul bin bildimap olabat gudwan haus, bat detlot haus kaan jidan longtaim. Dei garra buldan kwikbala jis laik sheidhaus.

¹⁹“Detlot wikitwan pipul gin go langa silip brabli ritjwan, bat wen olabat garra gidap olabat garra jidan brabli powan.

²⁰Wen naitaim garra kaman detlot wikitwan pipul garra bradin nomo lilbit blanga samting, jis laik wen det fladwoda o bigwan rein stom kaman kwikbala.

²¹Afta tharran brabli hotwan win garra kaman en blowimweibat langa olabat,

²²en im kaan sori langa olabat wen olabat garra trai blanga ranawei.

²³En det win garra gowei brabli gudbinjiwei dumaji imbin binijimap olabat na.”