Iob 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Ma Iob i ga tur pa mule kana varvai, ma i ga biti:

²Da God, nina i ga tak vue ra varkurai takodo kan iau, i laun; Ma ra Dekdek Muka, nina i ga vapurpuruan ra balagu, i laun;

³Ba iau laun boko, Ma ra Tulungea i God i ki boko tagu;

⁴A ura bul na ngiegu pa dir a vaongo, Ma ra karameagu pa na vartuam.

⁵Pa iau mulaot ba kaum tinata i dovot; Pa ina varpuai ure kaugu mangamangana takodo tuk ta ra bung ba ina mat i tana.

⁶Iau vatur vake kaugu mangamangana takodo, ma pa ina nur vue; A balagu pa na takun iau ba iau laun boko.

⁷Boina ba kaugu ebar na da ra tena varpiam, Ma nina i tut ure iau, boina ba na da ra bilak na tutana.

⁸Tago na topa nina i piam vue God dave ba i kale ta ngala na tabarikik, Ta ra pakana bung ba God na tak vue ra tulungeana?

⁹Dave, God na valongore ra nilaina laka, Ba ra varmonong i tadav ia?

¹⁰Dave, na gugu muka laka ure ra Dekdek Muka, Ma na vala kail tadav God?

¹¹Ina vateten u ure ra lima i God; Ma pa ina ive nam i ki pire ra Dekdek Muka.

¹²Ea, amutal tar kapa ure ra dari; Ta ra ava bar amutal papait vakuku?

¹³Go iat ra tiniba ba ra tena varpiam na vatur vake tai God, Ma ra umana tena vakavakaina diat a kale pa ra dari tai ra Dekdek Muka.

¹⁴Ona ra umana natuna diat a peal, diat ai ra pakat na vinarubu; Ma ra umana bul mur tana diat a ki na mulmulum.

¹⁵Diat dia ki valili, diat a mat ta ra kaina minait, Ma kadia umana aua pa diat a tangie diat.

¹⁶Ona i vung varurue ra silva pi na peal da ra tobon, Ma ra umana mal upi diat a peal da ra pia petpetep;

¹⁷A umana tena takodo diat a vung ra umana mal nina i ga vaninare, Ma diat dia langalanga diat a tibe ra silva.

¹⁸Ra pal nina i pait ia i da ka ra po na kabiloko, Ma da ra pal na turturup nina ra tena minakila i pait ia.

¹⁹Ba i va na pal i uviana boko, ma ia ra mutuaina tana; Ba i tavangun, di tar kari vue.

²⁰A umana magit na bunurut dia tadav ia da ra lovon; Ma ra dekdek na labur i kap vue ta ra marum.

²¹A kalivuvur maro ra matana taur i puak vakakit vue; Maia, i tak vue kan kana pakana.

²²God i tupatupar ia, ma pa i mari ia; Ma i mama lop kan ra limana.

²³A tarai diat a pakate vue, Ma diat a itinge vue kan kana gunan.