Job 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Gu be micheg u fithingan Got ni Gubin ma Rayag Rok ni be par nib fos, ni ir e kesiyeg mat’wug ma ke mo’oynag e yafos rog —

³n’umngin nap’an ni be pi’ Got e pogofan rog,

⁴e dap’pilugnag e ri dabi yog bbugithin nib kireb, ma blowotheg e dabi malfith bi’id.

⁵Dabiyag ni nggu micheg ni gimed e bfel’ e romed; dab gu tal i yog ni bfel’ e rog nge taw ko rofen ni ngum’ riy.

⁶Dariy e ngiyal’ ni gu ra pag i yog ni gub mat’aw; ya mmich u wun’ug ni gu bfel’.

⁷Mang e yigi urngin e pi’in yad be togopluw ngog ma yad be cham ngog, min gechig nagrad ni bod e pi’in kireb, ni pi’in nde mat’aw.

⁸Mang e bay nma l’agan’ e pi’in nde nang Got ngay ko re awa ni nge fek Got e yafos rorad?

⁹Gur ra taw e gafgow ngorad mra motoyil Got ko meyor rorad?

¹⁰Thingar ra chogow niged e felfelan’ nma pi’; thingar rmaybilgad ngak ni gubin ngiyal’.

¹¹Mu pageg nggu fil ngomed feni ga’ gelngin Got, mu gu weliy e tin ke tanomnag Got ni Gubin ma Rayag Rok.

¹²Machane danga’, ya rogon riy ma kam guyed nga owchamed; Ere mang ni gimed be non ni dariy angin?

¹³Irera’ rogon Got ni Gubin ma Rayag Rok nma gachignag e pi’in kireb, nge pi’in tacham.

¹⁴Ra mange ba yo’or pifakrad ni pumo’on, machane yad gubin ni yad ra yim’ ko mael; pifakrad e darir gamangad ko ggan.

¹⁵Pi’in ni magay nib fos e yad ra yim’ ko liliy, ma mus ngak pi leengrad ma dab ra yornaged yad ni karm’ad.

¹⁶Pi’in kireb e manga yug ra yo’or e silber rorad ni dabkiyag i the’eg nge mad nike pag oren,

¹⁷machane boch fa pi’in nib manigil e yad ra yin’ fapi mad miyad f’oth fapi silber rorad.

¹⁸Pi’in kireb e yad ma toy e naun ni bod ba tafen e gonow fa bod bochyang i sipal ni tafen ba sib nma matnag u milay’.

¹⁹Pi’in tadenen e yad ra mol ni bo’or ban’en rorad, ma nap’an e yad ra od ma dakriy e fa’ab rorad.

²⁰Ra aw e marus ngorad ni bod feni tomgin e sugbur; miyad ra un ko nifngin e nep’;

²¹nifeng ko ngek e ra aw ngorad nge walguyrad u tabnaw rorad;

²²re cham e nifeng nga dakenrad ko ngiyal’ ni yad be guy rogon ni ngar milgad.

²³Be non ngulan e nifeng nga dakenrad ni yad be mil, be karmarus ngorad nga feni gelmarin ni be cham.