Yoube 27

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yoube da amane sia:i,

²Na da Esalebe Gode Bagadedafa amo Ea Dioba:le amane ilegele sia:sa. (be E da nama molole hame fofada:sa amola na se nabima:ne hamosa.)

³-

⁴‘Gode da nama mifo gebewane ianea, na lafi da wadela:i sia: hame sia:mu, amola na gona:su da ogogole hame sia:mu.

⁵Dilia da moloidafa sia:i, amo na da hamedafa sia:mu. Amola na da wadela:le hame hamoi sia:neawane, na bogomu eso da doaga:mu.

⁶Na hou da moloidafa. Amo dawa:su na da hamedafa yolesimu. Na asigi dawa:su da fofada:i dagoi.

⁷Dunu huluane amo da nama diwaneya udidisa, amola nama gegesa. Ilia da moloi hame dunu amola wadela:i hamosu dunu ilia se dabe iasu defele lamu da defea.

⁸Gode Ea hou hame lalegagui dunu da Ema fofada:musa: doaga:sea, ilia da hahawane dafawane hamoma:beyale dawa:su hamedafa ba:mu.

⁹Bidi hamosu da ilima doaga:sea, Gode da ilia dini iabe nabima:bela:? Hame mabu!

¹⁰Ilia da hahawane hou, Gode da ilima imunusa: dawa:i, amo hanamu da defea galu. Ilia da Ema mae fisili sia:ne gadolalumu da defea galu.

¹¹Na da dilima Gode Ea gasa bagade hou amola Gode Bagadedafa Ea ilegesu amo dilima olelema:ne, dilia logo doasima.

¹²Be hame! Dilisu da amo hou huluane ba:i dagoise! Amaiba:le, dilia abuliba:le amo hamedei udigili sia: dabela:?” Soufa da amane sia:i,

¹³“Gode Bagadedafa da wadela:i nimi bagade dunuma amane se dabe iaha.

¹⁴Ilia dunu mano bagohame lalelegesa. Be huluane gegesu ganodini medole legei ba:mu. Ilia mano da ha:i manu defele hamedafa ba:mu.

¹⁵Mogili hame bogoi esala, ilia da olo madelale bogogia:mu. Amola ilia didalo da ili bogobe amoga hame didigia:mu.

¹⁶Amabela:? Wadela:i hou hamosu dunu da silifa fage idimu hamedei gagumu. Amola abula liligi ilia lamusa: hanai baligili gagumu.

¹⁷Be molole hamosu dunu da ilia abula lale ga:sisimu. Amola noga:idafa dunu da ilia silifa fage ladimu.

¹⁸Wadela:i hamosu dunu ilia da ogome diasu agoai o udigili hawa: hamosu dunu da sagai sosodo aligisa, amo ea diasu agoai gagusa.

¹⁹Ilia da bagade gaguiwane dialumu. Be eso afaega ilia da nedigili wa:legadosea, ilia bagade gagui liligi da asi dagoi ba:mu.

²⁰Hano hedolo fili gala:be defele, beda:su hou da ili famu. Gasia fo da misini, ili mini asi hame ba:mu.

²¹Gusudili fo da ilia diasudili ili huluane fadegale, ili mini asi ba:mu.

²²Ilia da hobeamu logo hogoi helele hame ba:mu. Be amo fo da ilima mae asigili, ili fulabole fasili, hamedafa ba:mu.

²³Ilia da hobeale ahoasea, gusudili mabe fo da ilima gulaligisa. Fo da gugunufinisimusa: gasa bagadeba:le, ilia da bagadedafa beda:sa.