Yoobu 14

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹Yoobu u nɛɛ, tɔnu wi bɑ ɡesi mɑrɑ, win wɑ̃ɑrɑ ku rɑ n dɛ̃u. Mɛyɑ tɑ rɑ n mɑɑ nɔni swɑ̃ɑru yibɑ.

²U rɑ sewɑ nɡe dɑ̃ɑ wɛ̃su, kpɑ bu nùn burɑ. U rɑ doonɛwɑ nɡe sɑɑru.

³Tɔnu wiyɑ ɑ mɛɛrɑ, mɑ ɑ nùn siribu sokɑ?

⁴Wɑrɑ u koo kpĩ u ɡɑ̃ɑ kɔ̃sunun di ɡɑ̃ɑ dɛɛrɑnu yɑrɑ. Goo sɑri.

⁵À n tɔnun wɑ̃ɑrun tɔ̃ru yi ɑ ten suru ɡɑrɑ, u ǹ mɑɑ sɑrɑmɔ mɛ.

⁶Ǹ n mɛn nɑ, ɑ ku mɑɑ nùn nɔni ɡirɑri, ɑdɑmɑ ɑ de u wɛ̃rɑ, kpɑ u win sɔmburu ko, u win kɔsiɑru mwɑ kɑ nuku dobu.

⁷Dɑ̃ru tɑ rɑ n yĩiyɔbu mɔ mɑ tɑ koo se bɑ̀ n tu burɑ. Domi tɑ koo kpɑrɑ.

⁸Ten ɡbini yì n mɑɑ tɔkɔ kuɑ, mɑ ten korɑ wɔrumɑ tɑ ɡu,

⁹ten ɡbinɑ ɡɑɑ rɑ mɑɑ kpɑrewɑ yɑ̀ n nim wɑ kpɑ yu kpii pɔturɑ ko.

¹⁰Adɑmɑ tɔnu u rɑ ɡbiwɑ, kpɑ u kun mɑɑ wɑ̃ɑ. Ù n ɡu, mɑnɑ u rɑ n wɑ̃ɑ.

¹¹Dɑɑ burerun nim mu rɑ ɡbere. Dɑɑ bɑkɑnun nim mu rɑ mɑɑ kpe.

¹²Nɡe mɛyɑ tɔnu u rɑ kpunɛ u kun mɑɑ seewe. U ǹ mɑɑ dom yɑndɑmɔ sere wɔllu tu kɑ kpe.

¹³Gusunɔ, nɑ kĩ ɑ mɑn bere ɡɔribun wɑ̃ɑ yerɔ, nɑ n kukuɑ mi, sere wunɛn mɔru yu kɑ sure, kpɑ nɑ n wɑ̃ɑ mi sere dɔmɑ te kɑɑ mɑn yɑɑyɑ.

¹⁴Tɔnu ù n koo rɑɑ se sɑnɑm mɛ u ɡu, nɑ kon yĩiyɔbu mɔ nɛn wɑhɑlɑ yeni sɔɔ sere nɛn wɑ̃ɑru tu kɑ kɔsi.

¹⁵Sɑɑ ye sɔɔ, Gusunɔ, ɑ̀ n nɛn bɛkɛ bɑrɔ, ɑ̀ n mɑn soku, nɛ wi nɑ sɑ̃ɑ wunɛn tɑkɑ koorɑ, kon nun wurɑri.

¹⁶Wee tɛ̃ ɑ mɑn swĩi mi nɑ nɑɑsu wukɑ kpuro. Adɑmɑ sɑɑ ɡɑɑ sisi yè sɔɔ ɑ ǹ mɑɑ nɛn durum ɡɑrisimɔ.

¹⁷Kɑɑ nɛn torɑnu doke sɑɑki sɔɔ ɑ bɔke. Kpɑ ɑ mɑn nɛn durum kpuro wɔkɑ.

¹⁸Guunu koo wɔruku nu kɑm ko. Kpɑ kpenu nu swɛnyɑ mi nu rɑɑ wɑ̃ɑn di.

¹⁹Nim mu koo kpenu kɔsuku, kpɑ mu mɑɑ kɑ tem kusɑnu doonɑ. Nɡe mɛyɑ ɑ rɑ tɔnun yĩiyɔbu kɑm koosie win wɑ̃ɑru sɔɔ.

²⁰Kpɑ ɑ nùn nɔni swɑ̃ɑ dɑbinu kpɛ̃ɛ. À n deemɑ u ǹ mɑɑ sɑ̃ɑ nɡe yellu, kpɑ ɑ nùn ɡirɑ u doonɑ.

²¹Bɑɑ win bibu bɑ̀ n yĩsiru yɑrɑ, win tii u ǹ mɑɑ kpɛ̃ u n yɛ̃. Mɛyɑ bɑ̀ n mɑɑ wɑ̃ɑ sekuru sɔɔ, u ǹ kpɛ̃ u n yɛ̃.

²²Win wɑhɑlɑ tɔnɑwɑ yɑ koo nùn nɔni sɔ̃. Wi turowɑ u ko n nuki sɑnkire win ɡɔ̃ruɔ.