Job 14

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

¹“Sikami is menge etew, ne mevavè dà is untung dey ne mahabet is ebpekerasey kenami.

²Iring key te vulak he ebekar ne kenà egkeuǥet ne egkeǥangu en, wey iring te alung he segugunà egkahanew.

³Ne maan is ebpekeventayan nu is etew, Nengazen? Ne egkesuatan nu pa sikandin te edhukum.

⁴Duen be etew he wazà kurang is kegkelumpiyu zin? Wazà! Su is langun, neetew he meremerik.

⁵Imbanglis nu en ke sengemenu keluǥayad is untung te etew. Ne kenè din egkepesubrahan is timpu he inteǥana nu kandin.

⁶Umbe, kenè nu en lisliseza is etew, bey-ani nu en sikandin he ebpekepeeyehey zaan iring te terebahanti he ebpekepasad te terebahu.

⁷“Emun edtempezen is kayu, egkehimu pa he egkeuyag wey ed-uman edtuvù.

⁸Minsan metesan en is dalid din wey egkeǥangu en is tued din,

⁹emun egkevinyaǥan heini ebpeneringsing pa he iring is tuvù din te veǥu he pinemula.

¹⁰Piru is etew mulà he ebpatey, ne egkaawè en is langun he zesen din. Kegkevidtew te ǥehinawa zin ne iyan en haazà ketepusan din.

¹¹Iring te edeisey is wahig diyà te zaǥat wey egkemezahan is wahig he edtudà,

¹²is etew ebpatey, ne kenè en ebpekeenew etawa kenè en egkepukew te lipezeng din mintras duen pa langit.

¹³“He Nengazen, deyzey ke id-eles a kenikew ziyà te lugar te menge minatey taman te egkaawà is pauk nu, ne edteleenen nu is timpu he edtentenuzan a kenikew zutun he lugar.

¹⁴Emun ebpatey is etew egkeuman pe be sikandin egkeuyag? Piru ed-entusen ku is tivuuk he timpu te kebpekaantus ku taman te egkeuma is timpu te kegkepasad kayi.

¹⁵Emun timpu te ked-umew nu kedì, Nengazen, edtavak a. Tentenuzi a kenikew is linimbag nu.

¹⁶Minsan pa ke ebentayan nu is menge vaal ku, piru kenè nu en mulà isipa is salè ku.

¹⁷Henduen dà te idtaǥù nu heini ziyà te teleǥuey su wey mekeeles ne kenè nu en egkaahà.

¹⁸Piru iring te egketempag is buntud wey egkengeulug is menge vatu puun te kelendiǥan,

¹⁹wey iring te egkehilis is batu te kegketulungi zuen kegketudai te wahig wey egkevanlas is tanà tenged te utew mereǥes he uzan, egevaan nu zaan is perateng te etew.

²⁰Layun nu edaaǥa is etew ne ebpatey sikandin, ne ebeǥuwen nu is kegkeveeli kandin emun ebpatey en sikandin.

²¹Kenè din en egketuenan ke ebeǥayan be te zengeg is menge anak din etawa ebpendezeisayen.

²²Iyan din dà neǥezam is kandin he kegkesekiti wey kegkeseeng.”