1मिनु लेंशा अय्युबमी “मीश मुर रे जरमेशो बेक्शा लाइब मुर इच्का नाक्त ब्रोंइशा, श्येत ला जाइब।
2मेको फू खोदेंशो पा बोइश्शा, सोल सुल बेक्ब। वांकु जाम्शो खोदेंशो पा जाम्शा लाइब। भजन संग्रह ९०:५
3गे मोदेंशो कोव़नीनी? मिनु गे आं कली निसाफ पाइनीनी?
4सुमी ग्रांग्रा दिशो रे ग्रांग्रा मदिशो सेल्ने चाप्बा? सुइमी मचाप्ब।
5मुर आ ब्रोंइतीक नाक्ती हिक्शा वोइश्शो बाक्नीम। मिनु मेको गिश महिना ब्रोंइशो बाक्नीमी, मेको तुइक्नीनी। इन देंशो नाक्त लाक्ने मचाप्नीम। भजन संग्रह ३१:१६; भजन संग्रह ३९:५
6गे मुर आन कली मकोव़ङीन। मिनु नाक्त किंत किंत गेय पाइब मुर खोदेंशो ग्येरशा बाक्चा गेन। अय्युब ७१-२
7रवा कली आस बाक्ब। तिम्शो नोले यो कोच्वा दाप्ब। मिनु वाना वान बाक्नीम।
8मेको आ शाक्श खप आगाम चोक्ताक्व हना यो, मेको आ ठुटा खप आगाम राक्त हना यो,
9लेंशा इच्का ब्वाक्कु तवानु, वाब। मिनु ठेयब रवा खोदेंशो पा राशी दाप्ब।
10तन्न बेक्शा लाइब मुर बेक्शा जाम्शा लाइनीम। मुर आ सोक्त लाइब। मिनु ते लाइबा मतुंइसीब?
11दोपा दोम्ली ङा ब्वाक्कु इच्का पा सोव़ना सोव़न लाइबा, दोपा खोला आइक्च दुम्ना दुम्न लशा सोव़बा,
12मोपा बेक्शा लाइब मुर गोल्ब। मिनु मेको लेंशा गेनायो मबोक्ब। सरीङ मक्याम्से सम्म, बेक्शो मुर लेंशा मबोक्नीम। मेको आन निन्द्रा रे मसेंसीनीम। अय्युब ७:१०
13गे आं कली बेक्शो मुर आन बाक्तीकेम ख्रुइक्तीन। इन गाइश्शो मनाइक्तीनी सम्म आं कली ख्रुइक्तीन। मिनु नोले आं कली फ्रुक्शा, गो नु ग्रुम्तीक नाक्त का वोतीन। यसैया २६:२०
14मार, बेक्शो मुर लेंशा ब्रोंइनीमी ङा? गो रिम्शो नाक्त कली रिम्शा बाक्नुङ। आं श्येत मथुमु सम्म रिम्शा बाक्नुङ।
15मिनु गे आं कली ब्रेन्नी नोले, गो इन कली लोव़ लेत्नुङ। मिनु गे इन आंम गुइम सेल्शो मुर, आं कली, शिशी पाइनीनी।
16गे आं पशो नेल्ल मकोव़नीनी। गे आं पाप हिक्शा मवोइक्नीनी।
17आं हेंथे पशो नेल्ल ब्रेक्शा, इन थैलोम वोइश्शो बाक्ब। गे आं मरिम्शो पशो नेल्ल सुम्शा वोइश्शो बाक्नीनी। होसे १३:१२
18मिनु डांडा ब्रेश्शा, जाम्शा लाइब। सेरथे फुल्लु मेको आ बाक्तीक रे याक्सीशो बाक्नीम।
19ब्वाक्कुम फुल्लु आन कली योल्ब। बारशो ब्वाक्कुम रागी ङा खप योल्ब। मोपा गे मुर आन आस थुम्पाइक्नीनी। रोमी ५:५
20गे मेको आन कली गेना हना यो ग्रानीनी। मिनु मुर बेक्नीम। गे मुर आन रां फाइश्शा ताइक्नीनी।
21मेको आन आल ठेयब दुम्शा मान पाइक्चा पुंइसाक्म हना यो, मेकोपुकीम मतुइक्नीम। आइक्च सेल्चा पुंइसाक्म हना यो, मतुइक्नीम।
22मेकोपुकीम आन रां ङा श्येत ला तुइक्नीम। मिनु आन पर्बम ला रोंका पाइनीम” दे अय्युबमी देंमाक्त।
