Unggutinga (Stat) 4:4-16

⁴Ne Ebal ung sipsibing matuau oranam teladi, saing xap ma hanania mala rangua Toxoratamona. Toxoratamona yaha mana Ebal xaung hananianganoa,

⁵ne yaha mana Ken xaung hananianganoa te. Binabu Ken atin disala sibuna saing ramramonoa haring.

⁶Baing Toxoratamona bala Ken ba, “Baruta atim disala xaung ramramoma haring?”

⁷Nabu ulibu xai, bing uyaha namua na nganai mana hananiangama. Ne nabu ulibu xai te bing kubolu diana xauxau ba hanggalangiaung. Bo ba xapkung, ne uharing bu udali.

⁸Xaidap tela Ken bala kixinginoa Ebal ba, “Tala raxangia.” Ne bungina tang duwa raxangia Ken taha kixinginoa Ebal mati.

⁹Baing Toxoratamona xusunga Ken ba, “Kixingima Ebal kabi?” Baing haxuya na ba, “Ngaxabia te. Baruta? Nga kixingigua lipuxing wasangama?”

¹⁰Binabu Toxoratamona harua ba, “Uraxata bila ba? Ulungu to! Kixingima sibinoa tang ma rangua nga mua titia.

¹¹Kixingima mati rimamia, titia xaxaina saing nung sibunoa, binabu hatata uwa guxam diania titia sanga mana ulibu oxata umangama muli te.

¹²Bungina uwaxata umanga, bagula titi oran te saing angingadi sanga disok te. Bagula yabam te saing usok lipu haxahaxangam.”

¹³Ken harua na Toxoratamona ba, “Salaga usina tubu buk manga.

¹⁴Laku, hatata usuka nga sangua titia saing bagula ngawa hasoya mana ramramoma. Bagula yabagu te saing ngasok lipu haxahaxangam titia. Lipu gaxarea sok manga bagula ung nga mati.”

¹⁵Binabu Toxoratamona bala ba, “Tegu! Nabu lipu tela ung Ken, bing bagula ngasina salak sabanga na sanga mana bunging 7.” Baing Toxoratamona mogu Ken, nam lipu tela sok mana bu ung mati.

¹⁶Binabu Ken yunga Toxoratamona saing ila wa mana titia Nod. Titia ba wa Iden sanga karagia.