1Ebraham yau haing tela yanoa Ketura.
2Haingga ba hayau Simran, Doksan, Medan, Midian, Isbak xaung Sua.
3Yoksan ina Seba, Dedan tang tibuding. Ne Dedan ina Asur, Letus xaung Leum bakbagindi.
4Ne Midian garang lupdi yadingdi bila li: Epa, Epe, Hanok, Abida xaung Elda. Ding longga Ketura bakbagindi.
5Ebraham yunga xalinging longgalo na Aisak.
6Bungina wauyu sina yahangua na gara lupdi mana haing kimuamdi, saing soxidi mala mana longga xaidaba haing, bu duwa hasoya mana garanoa Aisak.
7Ebraham nianindi 175 disup.
8Ina duanga saing yaha mana walinganoa, saing mati bu ila rangua bakbagindi.
9Garang luwadi Aisak, Ismail tang dikimang mana siang ginangina duxu ba Makpela wa haxek mana longga Mamre. Ginanga wa mana Epron titinoa garang luba Soha, mana bakbakka Hit.
10Aisak, Ismail tang dikimang Ebraham mana ginanga Ebraham kimang haininoa Sara mana ba.
11Ebraham mati saing Urana libu xai mana Aisak, Ebraham garanoa. Aisak wa haxek mana lang banggumgam. Duxu ba Urana Langinoa Lulianam Bagu Nga.
12Ismail bakbagindi bila li. Ismail Ebraham garang luba bauna Haga. Haga Isip haing tela ina Sara haining oxatama.
13Ismail garang lupdi yadingdi, ungguti mana matuaua ila sup mana kixinginoa. Nebaiot Ismail garang matuaua kimuya Keda, Atbel, Misam.
14Misma, Duma, Masa,
15Hadat, Tema, Detu, Napis xaung Kedema.
16Ismail garang lupdi yadingdi. Lipuadi disina yaya xaung titia nadi ba duwa. Lipu bakbakkadi 12 disok xumana mana 12 haing lipudi.
17Ismail nianindi 137 baing mati saing ila wa rangua bakbagindi.
18Ismail bakbagindi dirung mana titia liwe Habila mana longga Su. Su wa haxek rangua Isip, mana daxanga ila Asiria. Mana bakbakkadi sanga dirung xauna te.
19Alali Aisak naxuyanganoa, Ebraham garanoa.
20Aisak nianindi 40 bungina Rebeka. Rebeka Betuel nanuhanginoa, ina lipu Aramgam mana rubing Mesopotemia. Ne Rebeka Leban hamunganoa maluxu mana bakbakka Aram.
21Aisak haininoa xola gara, saing Aisak sabu ba Urana hauli haininoa. Urana lungu Aisak sabunganoa saing Rebeka gamona.
22Gara lup toxondi luwa duwa Rebeka gamonia saing tang dahaung, baing Rebeka harua ba, Tabaru ning alali sok manga. Bo ba xabia mana namuxinoa, saing ila sabu na Urana.
23Urana harua na ba, “Bakbak luwa dua gamomia, dingtang bagula dahatuba ba sanga bakbak tela dali tela. Ne matuaua bagula tuxu kixinginoa oxatanoa mana.”
24Xaidap maxanoa sok saing maxung sibuna Rebeka hayau gara lup toxondi luwa.
25Gara matuaua sabuxana saing bukbuxana. Baing duxu ba Iso.
26Bungina bauna hayau sabanganoa rimadi dituxu Iso kindi. Baing duxu ba Yekop. Aisak nianindi 60 bungina Rebeka hayau gara luwadi.
27Gara luwa ditubu baing Iso sok bila lipu luluangam. Ne Yekop wa mosiu, ina waxu numia.
28Aisak muruna mana Iso, namua ina lipu asaxa unginganam. Rebeka muruna mana Yekop.
29Bunging tela Yekop tau, ne Iso goxoya ma luluangia.
30Gesagina haringing sibuna saing bala Yekop ba, “Gesagigu haringing sibuna. Ulia nga mana xauyangadi utaudi ba.” (Binabu duxu Iso yan tela ba Idom.)
31Baing Yekop haxuya ba, “Muga uyunga yaya oxop ba naga bila gara lup mugamugangam, kimuya ngauliaung.”
32Iso harua ba, “Sangau. Haxek ba ngamati ne yaya ngaxap bila gara mugamugangam sanga hauli nga baru?”
33Baing Yekop harua ba, “Ung sanga uharua maxung sibuna eta lo, bing usina yaya naga.” Baing Iso harua maxung sibuna eta lo, baing sina yaya mala na Yekop.
34Kimuya Yekop ulia anginga Iso xang saing nung, baing mesa saing ila. Mana kubolunoa ba Iso hagaxa gara matuaua axamang olang.
