1Urana bala Yekop ba, “Ung gumesa saing ula mana Betel saing uwa mana longga hata Betel saing ung gutongtongia kabukabu tela nanga. Nga Urana nga ngasok maung mana bungina uluki sangua sabangama Iso.”
2Tauna Yekop harua na ing sibindi saing lup haing longgalo rangua ba, “Ang gaunia urana languangam longga ranguang bu ang bing asu mana kubolu mana asok maringina, saing asau imang sigixingandi.
3Bagula kira tayunga longga baguli saing tala mana longga Betel. Binabu nga bagula ngatongtongia kabukabu tela mana Urana. Ina Urana ba hauli nga mana bunging mauxanganama, saing ina bing wa rangua nga mana long longga nga ngala mana.”
4Tauna ding disina Urana languangam longga na Yekop. Saing ding disina ringdi ding sibuding tangadingliania. Saing Yekop kimang axadi li hawa mana xai sabanga bilingam wa haxek mana longga Sekem.
5Tauna Yekop xaung ina bakbagindi ding dahaxa mala. Saing Urana libu maxuwanga sabanga sok mana luphaingdi duwa mana longgadi duwa haxek mana Sekem, saing ding duxu Yekop bakbagindi te.
6Baing Yekop xaung bakbagindi dila disok mana longga Lus mana titia Kenan. Tauna Betel yang mugangua Lus.
7Saing Yekop tongtongia kabukabu tela saing uxu longga kabukabua wa mana yanoa ba, “Urana Betel inia”. Mana baraxinta, Urana sok mana longga baguli bungina Yekop luki sangua sabanganoa.
8Binabu Debora, haing oxatam Rebeka inia, ina mati mana bungina ding duwa mana longga baguli, saing dikimang hawa mana xai sabanga tela wa hata bukang mana longga Betel baing ina naga ding duxu xaiya li yanoa ba, xai tinanggam.
9Bungina yunga Mesopotemia saing ina ma muli mana titia Kenan, Urana ba sok mana muli, saing harua na ba ina bagula libu xai mana Yekop.
10Urana ba harua ba, “Hatata ung yama bing Yekop. Ne sanga ba duxu muli ba Yekop te. Tegu. Ding bing duxung mana yaya Isrel baing Urana uxu yanoa ba Isrel.”
11Binabu Urana bala ba, “Nga Urana sanga haringinga longgalo. Ung bing oxop gara xumana masok. Binabu ung usok muganga mana hainglup bakbak xumana saing mana xaitamoxidi xauna.
12Alali titia waleu ngasina na Ebraham xaung Aisak, hatata ngasina naung. Saing bagula ngasina na garam mugangadi xauna.”
13Urana hangixaya masup saing ma yunga longga hangixaya rangua Yekop mana ba binabu ina ila muli eta lo.
14Tauna Yekop rang siang maxaxaya tela ba mogu longga Urana hangixaya rangua ba. Saing ina matu wain xaung guxenga xaung olip etua mana siangga ba bila yahanga na Urana.
15Saing longga baguli Urana hangixaya rangua, ma uxu yanoa ba Betel.
16Yekop xaung ina bakbagindi diyunga betel saing ding muruding ba dila mana longga Epirata. Ding dahaxa malauyu baing xaidaba sok mana Retsel ina hayau garua. Saing ina xunumia salak sabanga mua.
17Bungina ina xunumia salak sabanga sibuna, haing haulingama bala ba, “Labu umaxuwau tai. Alali gara lup tela.”
18Binabu haxek sibuna ba Retsel mati, saing xai yaganganoa saing uxu gara yanoa Ben-Oni. Ne kimuya tibuna uxu yanoa ba Benyamin.
19Retsel mati ba, saing ding dikimang daxanga rubinia mana daxanga ila mana Epirata, ala bing yaya munga mana longga Betlehem.
20Binabu Yekop rang siang tela bu mogu gobagoba mana Retsel. Saing siangga baguli liuyu.
21Saing Isrel haxa mala yunga taua mana Eder saing ina haxa mala kaxukana monga saing ina tongtongia yabanoa.
22Isrel wauyu mana longa baguli, saing Ruben kinu rangua Bilha, tela mana ding titinga luwa bakbakka mana tibuding. Binabu Isrel lungu haruanga mana axa bagu Ruben ina libu. Yekop garang lup 12:
23Lea garandi yadingdi bila, Ruben, Yekop garang mugamugangama, Simion, Libai, Yuda, Isaka xaung Sebulan.
24Retsel garang luwa Yosep xaung Benyamin.
25Bilha, haing oxatam Retsel inia, ina garang luwa, Dan xaung Naptali.
26Silpa, haing oxatam Lea inia, ina garang luwa Gad saing Asa. Yosep wa mana longga Mesopotemia saing xap garadi bagudi li masok.
27Yosep sok mana tibuna Aisak mana longga Mamre, haxek mana longga Kiriat Arba, alaba yaya muganga mana longga Hebron. Alaba longga Ebraham saing Aisak dingtang duwa mana waleu.
28Aisak nianindi 180.
29Binabu ina sok duanga sibuna saing ina mati baing garang lup luwadi Iso xaung Yekop dingtang dikimang.
