NAANAA 4:4-16

⁴Habila sↄ̃ à sù kũ a sãnɛ káaku mɛ̀kpanaao. Habila yã kà Dikirigu, akũ à a gba sì.

⁵Kainu sↄ̃ a yã dí kɛ Dikirinɛro, akũ adi a gba síro. Akũ Kainu pↄ fɛ̃̀ manamana a ãnn sìsi.

⁶Akũ Dikiri pì Kainunɛ: Bↄ́yãi n pↄ fɛ̃̀ɛ? À kɛ̀ dera n ãnn yàkaa?

⁷Tó n yã mana kɛ̀, mani n síroo? Tó ńdi yã mana kɛ sↄ̃ro, durunna natɛnnɛ n kpɛ́lɛlɛa. N ni tɛni a dɛ, séde ǹ zĩ̀ blea.

⁸Akũ Kainu pì a dakũna Habilanɛ: Ò gɛ́ sɛ̃̀n. Kũ ò kà gwe, akũ à fùtɛ a dakũnai à a dɛ̀.

⁹Dikiri Kainu là à pì: Mán n dakũna Habila kunn? À wèa à pì: Má dↄ̃ro. Ma dakũna dãkpãriin ma ũ yá?

¹⁰Akũ Dikiri pì: Bↄ́n n kɛ̀ɛ? N dakũna aru tɛn lɛ́ zumai zaa zĩtɛ gũn mà zɛ kãao.

¹¹Tera sà ĩnigↄ̃ láari pↄ́ ũmɛ, ĩnigↄ̃ zã̀ kũ zĩtɛ kũ à n dakũna aru mì n ↄĩo.

¹²Tó n bú bà, zĩtɛ ni kararo. Ĩnigↄ̃ sↄ̃sↄ̃ gu kũ guo ǹgↄ̃ likara andunia gũn.

¹³Akũ Kainu pì Dikirinɛ: Wari bire gbãna demala, mani fↄ̃ro.

¹⁴Ntɛn pɛ́ma zĩtɛ la gbãramɛ sà. Mani kɛ̃kↄ̃a kũnwo sà. Manigↄ̃ sↄ̃sↄ̃ gu kũ guo màgↄ̃ likara andunia gũn, gbɛ̃ kũ à kpàkũn kũmao ni ma dɛ.

¹⁵Akũ Dikiri pìnɛ: Lɛnlo! Tó gbɛ̃ n dɛ, oni mↄra káa gɛ̃̀n supplamɛ. Akũ Dikiri wãnzãn ke kɛ̃̀ Kainua, de gbɛ̃ kũ à kpàkũn kãao sún a dɛro yãi.

¹⁶Akũ Kainu dà zɛ́n à kɛ̃̀ Dikiria. À gɛ̀ɛ à vùtɛ Nↄdu bùsun Ɛdɛni ifãboki kpa.