Miamun 4:4-16

⁴Da Abel ibinigi iyu apu bini imiŋʼ dumpa gan fain narun miamun gin da isaf da iyu nagaran bini da irim isu daŋki ifan da Yawe. Yawe nugun inuf nidzun aŋu i Abel impruʼ da gan daŋki gan,

⁵da bitsintaʼ nugun wanuf i Kein da gan daŋki gan u. Ibinigi da Kein nugun itsakia nidzun da iguruŋur tsiraʼ biŋan.

⁶Da Yawe igut i Kein, “Wain idzuwai da u nugum itsakia? Wain idzuwai da u guruŋur?

⁷Bida u naŋa nam bini da u nugum buŋʼ atsiaʼ. Da bitsintaʼ bida u naŋa nam maisan da nam maisan itapatip sib u muantsi nifuŋgam i prutsan da garada u funub. Ini suda wain i agu, da bitsintaʼ wamunti babampafan i rasudan.”

⁸Da Kein ini da raiŋgan Abel ini binaʼ, “Abel, agi yuŋa rai rai aŋu waʼa gum.” Gubuʼ ribaraŋan waʼa sib gum, da Kein yitam i ruan da yis raiŋgan funub.

⁹Raiyi da Yawe igut i Kein ini binaʼ, “Da u raiŋgam Abel anuŋʼ?” Da araŋan ini, “Dzi wasruʼgin u. Mai! Dzi masu wain i mpada tayaŋʼ raiŋgaŋʼ?”

¹⁰Da Yawe ini, “Ibianuŋʼ da u bunaŋ sanab maisan ibiani i raiŋgam? U raiŋgam Abel biʼgan nifuŋgan nuʼan miŋʼa intap iwaʼ da dzi ibi nifun nuʼan i naŋa nam muŋaʼ.

¹¹Aruani da maisan narut agu da napaʼ agu rai i intap aru dagaŋa nifun da numa u raiŋgam biʼgan u baŋiŋgam yatsa rai ugu.

¹²U nida rafa gum da intap wasaŋʼ rima nam nidzun maŋan da agu u. Da u buŋʼ asu garam kupa i asub rampan aŋu yuŋan saŋʼa intap aŋu fadan.”

¹³Kein ini da Yawe ini binaʼ, “Dzi asubaŋʼ muŋaʼ gan u riman da dzi ani tsiraʼ biŋan iyus dzi.

¹⁴Da wariŋantin! Aruani da u wat dzi rai i intap gum da gam maraŋgam. Da dzi buŋʼ asu garam kupa i asub rampan aŋu yuŋan, da bida maŋa tsaŋanda dzi da buŋʼ ais dzi funub.”

¹⁵Da bitsintaʼ Yawe ini, “Imaʼ. Bida maŋa isa agu funub da buŋʼ abuariŋʼ barabin muŋaʼ maisan aŋu nasaŋʼ 7 nayus agu i muŋaʼ gan.” Ibinigi da Yawe irim ampap maŋan iyab i Kein i garam tsaŋandan ma waʼan da araŋan anuŋʼ isaŋʼ isa araŋan funub u.

¹⁶Ibinigi da Kein itaŋin Yawe maraŋgan rai da ifa mpa intap Nod imiŋʼ gubuʼ yaban i Iden.