Unggutinga (Stat) 10

1

2

3

4

5

6

7

8

9

10

11

12

13

14

15

16

17

18

19

20

21

22

23

24

25

26

27

28

29

30

31

32

33

34

35

36

37

38

39

40

41

42

43

44

45

46

47

48

49

50

¹Noa garang tuwadi Siem, Ham xaung Yapet, naxuyangadinga bila li. Disok gara xumana tibudingdi kimuya mana silingua.

²Yapet garang lupdi bing: Goma, Megok, Madai, Yaban, Tubal, Mesek xaung Tairas.

³Goma garang lupdi bing: Askenas, Ripat xaung Togarma.

⁴Yaban garang lupdi bing: Elisa, Tasis, lipu Kitimamdi xaung lipu Rodanimamdi.

⁵(Adi digabu bakbagidingdi duwa mutumutia tek rubinia. Garadingdi disok bakbak sabangadi, taining tainina xuading, bakbagiding xaung titiding.)

⁶Ham garang lupdi bing: Kus, Misraim, Put xaung Kenan

⁷Kus garang lupdi bing: Seba, Habila, Sapta, Rama xaung Sapteka. Rama garang lupdi bing: Seba xaung Didan.

⁸Kus ing garang lup tela muli yanoa Nimrot. Ina lipu mugamugangam sok lipu haringing haungingam mana titia.

⁹Ina lipu haringing luluangam Toxoratamona maxania. Namua naga daharua ba, “Lipua li bila Nimrot, lipu haringing luluangam Toxoratamona maxania.”

¹⁰Nimrot sok xaitamoxi mana long sabanggadi li: Babilon, Erek, Akat xaung Kalne. Long tuwadi ba duwa titia Sinar.

¹¹Nimrot sauya titia ba saing ila titia Asiria, saing tongtongia long tuwadi bagudi li: Ninibe, Rehobotir, Kala

¹²xaung Resen wa liwe mana long sabanggadi Ninibe xaung Kala.

¹³Misraim bing bakbakkadi bagudi li mugangadinga: Lidia, Anam, Lehap, Naptu,

¹⁴Patrus, Kaslu (bakbakka Pilistia disok manadi) xaung Kapto.

¹⁵Kenan bing tibuna mana bakbakkadi li: Saidon garang matuaua, Hit,

¹⁶Yebus, Amor, Girgas,

¹⁷Hibi, Arka, Sini,

¹⁸Arbat, Sema xaung Hamat. Kimuya Kenan bakbaging taining tainina dila hataing hataina.

¹⁹Titi raguna Kenan dirung mana ba ungguti mana long sabangga Saidon saing ila laing long sabangga Gera xaung mana long sabangga Gasa wa sanga yuwaxa. Baing ragudinga xugia mala sok sanga karagia mana long sabanggadi Sodam, Gomora, Adma xaung Seboim haxek mana Lasa.

²⁰Bakbakka bagudi ba bing Ham garandi. Bakbak taining tainina ding xuading, ding titiding xaung ding yabading.

²¹Siem Yapet sabanganoa, saing garang lupdi xauna. Siem bing Eberdi mugangadinga.

²²Siem garang lupdi bing: Elam, Asur, Arpaxat, Lud xaung Aram.

²³Aram garang lupdi bing: Us, Hul, Geter xaung Mas.

²⁴Arpaxat bing Sela tibuna. Ne Sela bing Eber tibuna.

²⁵Eber haininoa hayau gara luwa: Tela yanoa Pelek, namua na bungina wa lipu titiamdi dutu ding. Kixinginoa yanoa Yoktan.

²⁶Yoktan garadi bagudi li tibuding: Almodat, Selep, Hasarmabet, Yera,

²⁷Hadoram, Usal, Dikla,

²⁸Obal, Abimae, Seba,

²⁹Opa, Habila xaung Yobap. Ding longgalo bing Yoktan garandi.

³⁰Titia bakbakkadi li duwa mana, raguna ungguti longga Mesa hataina ila sok mana longga Sepa wa mana bimbiadi duwa karagia.

³¹Bakbakka bagudi ba bing Sem garandi. Bakbak taining tainina ding xuading, ding titiding xaung ding yabading.

³²Bakbakka bagudi ba taining tainina bing sipka rangua Noa garandi. Taining tainina ding suxingading saing disok bakbagiding taining tainina. Mana bakbakkadi ba, numanuma longgalo disok manadi saing dila mana titi longgalo kimuya mana silinga sabangua.