1Yekop tagia xalinging longgalo xaung bakbagindi saing dila Isip. Ne bungina disok mana longga Bersiba, Yekop libu hananiangadi mana Urana, tibuna Aisak inia.
2Baing yambong Urana sok rangua Yekop bila mibinga, saing wagi ba, “Yekop, Yekop.” Baing Yekop haxuya ba, “Wane, Ngawau.”
3Tauna Urana harua ba, “Nga Urana. Nga Urana mana tibum. Labu umaxuwa ba ula Isipku tai. Bagula ngalibu garam ranggindi disok bakbak sabanga sibuna.
4Bagula ngala ranguaung Isip, saing bagula nga xapkung ma muli. Ne bungina umati, Yosep ing sibuna bagula kimanggung.”
5Tauna Yekop yunga Berseba. Baing garang lupdi dita xaung hainidingdi xaung gara kambagindi mahaing mana karisiadi xaitamoxi Isipkam sinadi ma ba.
6Baing daxap xaung bulmakau xaung axamang teladi daxapdi mana titia Kenan. Baing Yekop gabu bakbaging longgalo dila Isip.
7Yekop garang lup, xaung garang haing, xaung garang rangging longgalo dila rangua.
8Yaya bagudi li Isrel garandi yadingdi dila Isip (Yekop xaung bakbagindi):
9Ruben garang lupdi: Hanok, Palu, Hesron xaung Karmi.
10Simion garang lupdi bing: Yemuel, Yamin, Ohat, Yakin, Soha xaung Saul bauna Kenan tela.
11Libai garang lupdi bing: Gerson, Kohat xaung Merari.
12Yuda garang lupdi bing: Er, Onan, Sela, Peres xaung Sera (ne Er Onan tang dimati Kenan titidingia). Peres garang lupdi bing: Hesron xaung Hamul.
13Isaka garang lupdi bing: Tola, Pua, Yasup xaung Simron.
14Sebulan garang lupdi bing: Seret, Elon xaung Yahleel.
15Gara lupkadi ba Yekop xapdi masok rangua Lea mana titia Padan Aram, nanuhanginoa maina xauna. Garang lupdi xaung nanuhangindi titidinga sok 33.
16Gad garang lupdi bing: Sepon, Hagi, Suni, Esbon, Eri, Arodi xaung Areli.
17Asa garang lupdi bing: Imna, Isbah, Isbi xaung Beria. Hamungadinga Sera. Beria garang lupdi bing: Hebe xaung Malkiel.
18Garadi ba Yekop xapdi masok rangua Silpa, hainga Leban sina na nanuhanginoa Lea—titidinga sok 16.
19Yekop garang lupdi Retsel hayau: Yosep xaung Benyamin.
20Mana Isip, Manasa xaung Epraim Yekop xapdi masok rangua Asenat, Potipera nanuhanginoa, lipua ba long sabangga On lipuxiding hananiangam.
21Benyamin garang lupdi bing: Bela, Beke, Asbel, Gera, Naman, Ehi, Ros, Mupim, Hupim xaung Ad.
22Gara lupkadi li Retsel garandi Yekop tang daxapdi masok—titidinga sok 14.
23Dan garang lup bing: Husim.
24Naptali garang lupdi bing: Yasiel, Guni, Yese xaung Silem.
25Gara lupkadi li Yekop xapdi masok rangua Bilha, haing Leban sina na nanuhanginoa Retsel—titingadinga sok 7.
26Yekop ing sibuna garandi xaung garang ranggindi, bungina duwa Isip titingadinga bing 66. Ne titinga baguba xabubua Yekop garandi hainiding te.
27Yosep haininoa hayau gara lup luwa Isip. Binabu Yekop bakbagina dila duwa Isip, titingadinga sanga mana 70.
28Yekop soxi Yuda mala muga ba xap Yosep ma bu sok rangua mana longga Gosen. Binabu bungina Yekop bakbagindi disok Gosen,
29Yosep bala lipu oxatamdi ba daxauxau karis tela na, bu ila Gosen bu sok mana tibuna. Ne bungina Yosep bagu tibuna ila tuxu saing tangia bunging maxaxayam sibuna.
30Baing Yekop bala Yosep ba, “Sangau hatata bagula ngamati. Namua na nga xabia ba uwauyu.”
31Tauna Yosep bala kixingindi xaung tibuna sibindi ba, “Hatata bagula ngala nga bala xaitamoxi ba, ‘Kixingigu xaung tibugu sibindi diyunga titia Kenan saing dima disok lo.
32Bakbakka baguli ding lipu sipsip wasanganamdi. Ding daxap sipsip xaung bulmakau xaung xalingiding longgalo ma xauna.’
33Nga bagula ngabala xaitamoxi bila li. Nabu xaitamoxi wagiang mala bu xusungang mana baru oxatanta atuxu.
34Bing ahaxuya haruanganoa bila li: ‘Lipu sabanga am lipu sipsip xaung bulmakau wasangadinggamdi. Am galibu oxata na bila li bungina am gawa garauyu laing ma hatata. Bila tibumam dilibu waleu.’ Nabu abala xaitamoxi bila li, bagula yungang bu arung Gosen, namua na lipuadi Isip muruding mana lipuadi duwasa mana sipsipdi te.”
