1Yekop lungu Leban garang lupdi daharua ba, “Yekop, ina xap tibura xalinging longgalo saing sok bila lipu xalaxalam sibuna.”
2Binabu Yekop bagu Leban kubolunoa xugia saing ina muruna mana bila waleu te.
3Tauna Toxoratamona bala Yekop ba, “Ula muli tibum yabania ne bagula ngawa ranguang.”
4Tauna Yekop sina haruanga mala rangua Retsel xaung Lea bu tang dima dibagu mana longga sipsip duwa mana.
5Tang disok mana, ne Yekop baladi dingtang ba, “Nga ngabagu tang tibuim libu kubolu taininau mana bila libu manga waleu ba te. Ne Urana tibugu wa rangua nga.
6Tang gaxabiau nga ngawaxata haringing sibuna rangua angtang tibuim.
7Tauna langua nga bunging xumana xugia giminagigua, ne Urana yunga te ba libu doa manga.
8Muga Leban harua ba, ‘Nga sangaʼm ngasina meme mugixinam naung bila giminagima.’ Mana bungina baguba meme longgalo dahayau gara mugixinamdi ding ganiding. Mana kimuya harua ba, ‘Nga sangaʼm ngaxap meme longga mugixindi dimaxaya bila giminagigua.’ Tauna meme longgalo dahayau gara mugixiding dimaxaya ding ganiding.
9Binabu Urana xap meme longgalo xaung sipsip mana angtang tibuim saing sinadi nanga.
10“Mana bungina meme lupdi dahaing mana meme haingdi, nga ngamip bila ngabagu meme lup mugixinamdi ding ganiding dahaing mana meme haingdi.
11Binabu mana mibingia Urana uleginama wagi nga saing harua nga ba, ‘Yekop.’ Baing ngaharua ba, ‘Ngawau.’
12Saing harua ba, ‘Ubagu, meme monindi mugixiding xangxana sanga ding ganiding dahaing mana meme haingdi. Nga sibugu ngalibu saing sok bila ba, mana baraxinta nga ngabagu masup axalaxala longga Leban libu maung.
13Nga ba, nga Urana ngasok maung mana longga Betel, mana longga urang siang tela ba uiti hatuminga, ne umatu guxenga etua mana ina saing utongtongia bilinga tela manga. Tauna hata sibuna li umesa uxauxau xalingimdi bu ula ugoxoya mala yabam sibunia.’ ”
14Retsel xaung Lea tang dilungu haruanga baguba saing tang dahaxuya haruanga muli ba, “Tegu mana axamang tela muli ba amtam gaxap rangua tibumam.
15Tibumam ina libu amtam am gasok masup bila ding mana xan teladi maxadingia ina xap masup giminaga mamtam, ne ina tindi masup.
16Axalaxala longgalo Urana uniadi mana amtam tibumam saing sinadi naung alaba amtamiadi binabu ung ba bing ulibu bila Urana baing.”
17Tauna Yekop mesa ta hainina garana etua mana kameldi.
18Saing ina soxi maxixinga sipsip xaung meme ding dila muga mana ina xaung ding asaxa xan teladi xapdi Mesopotemia saing ding diyunga longga ba saing dahaxa mala muli rangua tibuna Aisak mana titia Kenan.
19Mana bungina ding muruding ba dila Leban ila masup ba xuxuya sipsip buxandi saing Retsel hanai babu mana urana languangam tibum ina tadi duwa la disabu mana numanoa.
20Yekop ina baxanga na Leban te, lipua mana maxixinga Aram mana muruna ba ila tegu ina hisa.
21Ina xap axalaxala longga rangua ina saing luki binabu yunga longga Leban yabania saing kisi langga Yupretis ila mana longga Bimbia Giliat.
22Xaidap luwa dila masup ba binabu xaidap titinga tuwa lipu dibala Leban ba Yekop luki mala masup.
23Tauna Leban xap bakbagindi saing disu mana Yekop sanga mana xaidap 7 ding disok mana Yekop long Bimbia Giliat.
24Saing mana yambong Leban mip saing Urana sok mana saing harua na ba, “Ung labu ulibu axamang tela ba maxuwa mana Yekop.”
25Yekop tongtongia yabanoa mana longga bimbia li binabu Leban ina bagu. Tauna Leban gabu bakbagindi ding xauna ditongtongia yabadinga long Bimbia Giliat.
26Tauna Leban ila mana Yekop saing bala ba, “Baruta ung gulangua nga saing oxop garagu haingdi mala bila salak mana haungingua?
27Baruta uhisa saing uluki ubaxanga nanga te binabu murum ba uyunga nga? Nabu ubala nga muga, tauna nga sangaʼm ngabala bakbagigudi bu ditongtongia musik xaung disiga wagwia xaung gita binabu disinaung mala xaung yahanga.
28Ne ung guyunga nga ngasina halinga xaung haruanga xai na garagu haingdi xaung mana mugangagudi ung gulibu kubolu diang sibuna.
29Nga sanga haringinga ba ngalibu doa mang, ne mana yambong Urana mana tibuim ina bala nga ba, ‘Ung labu ulibu axamang tela bu maxua Yekop.’
30Ngaxabiau ung murum sibuna ba ula muli yabamia saing uyunga nga. Ne baruta uhanai uranadi duwasaʼm numagua?”
31Baing Yekop goxoya haruanga muli ba, “Nga bu ngahisa saing ngaluki mana baraxinta ngamaxuwaung labu oxop garam haingdi muli.
32Ne nabu ubagu ba amia tela ma xap Urana ungiadi, tauna ung sanga mana ung mati riara longga maxadingia, uma bu ubagu xalaxala longgalo, nabu ubagu axamang tela ungia tauna ung sangaʼm oxop.” Ne Yekop ina xabia ba Retsel hanai tibuna urana languangam iniadi.
33Tauna la ba Leban ila luxu mana Yekop ramanging numania saing bagu mana axamandi. Baing kimuya ila luxu mana Lea ramanging numania saing bagu. Binabu ina ila luxu bagu haing oxatam luwa ramangiding numanoa xauna. Ne ina bagu urana languangam iniadi te. Saing yunga ramangiding numanoa saing ila luxu mana Retsel ramanging numanoa.
34Retsel ina xap urana languangam tibuna iniadi saing yamengdi maluxuʼm kandilongga ina bagula ta etua mana kamel, mana rungingua. Saing ina rung etua mana kandilongga bau Leban bagu xalaxala longga maluxu ramang numania, ne ina bagu urana languangam iniadi te.
35Retsel bala tibuna ba, “Labu ugamia ngau tai nga sanga ba ngali te, namua na, businga mana am haingdi sok manga.” Laba ina waxata ba bagu mana xalaxaladi, ne ina bagu urana languangam iniadi te.
36Tauna Yekop gamonoa sala sibuna binabu gamia Leban ba, nga ngalibu baru mauxanganta kimbo baru kubolunta maring te, saing uxu nga?
37Ubagu masup xalingigu lo saing ubagu baraxinta ungia wa? Nabu ubagu ung salingim tela. Tauna uta masok sabasabia bakbagimdi maxadingia xaung bakbagigudi xauna binabu ding bagula disuxuya kitam haruangaradi binabu tabagu gaxarea haruanganoa maring.
38“Nga ba ngawa ranguaung sanga mana 20 niani bunging bungina ding longga maxixinga sipsip xaung meme ungiadi dahayau xai garadingdi ne nga ba ngaxang sipsip lup tela ranguang te.
39Bungina asaxa abungina ung sipsip tela kimbo meme, nga sangga ba ngaxap ma bu ngahatanga naung te, tegu nga sibugu bagula ngahaxuya sipsip kimbo meme hanggalang ba. Bunging bungina uharua haringina ba ngahaxuya xalaxala longga dahanggalang ba heku asaxa abungindi daxapdi xaidap kimbo yambong.
40Bunging xumana xaidaba salanga diang sibuna. Xaung bunging xumana mana yambong gauga hanggalanga. Ne sanga ba ngakinu xai te.
41Ngawa ranguaung niani 20 saing ngawaxata naung nga ba ngawaxata 14 niani ding longgalo bu ngaxap garam haing ungiadi.
42Saing nabu Urana mana muganga ngayua Ebraham, ina Urana Aisak xabia saing sabu mana ina wa rangua nga te bola bagula usoxi nga ngagoxoya olang. Ne urana bagu nga gamogu mauxanganoa saing oxata nga ngalibudi bina bu mana yambong ina ba sina haruanga haringing ina naung.”
43Tauna Leban haxuya haruanga ba, “Alali haing luwa luwadi li garagudi, saing luwadi li garadingdi xauna nga garagudi saing ding maxixinga sipsip xaung memeding ba ngayuadi xauna. Alali axalaxala longga dua la li ding longga ngayuadi ne bagula ngalibu baru xalinginta bu goxi luwa dili garagu haingdi xaung luwadi li tang garadingdi?
44Tauna amtam bing am galibu ragu saing kitam bing talibu axamang tela bu hauli kitam mana tahatumia alali ragu.”
45Tauna Yekop xap siang maxaxaya tela saing rang bila mogunga.
46Saing bala bakbagindi ba daxau siang bu dahaxurudi xai. Saing kimuya Yekop bakbagindi xaung Leban bakbagindi daxang haxek mana siang haxarungamdi.
47Leban uxu siang haxurungamdi yadinga ba Yega Sahaduta, ne Yekop ina uxu mana yaya Galet.
48Leban ina harua ba, “Siang haxurunga baguli bagula duwa bila mogunga mana kitam ragurua.” Binabu dingtang duxu siang haxurunga ba yanoa Galet.
49Saing dingtang duxu yanoa muli ba Mispa, mana baraxinta, Leban harua ba, “Bungina kitam sanga mana tawa xauna te tauna Urana bagu xai kitam kuboluroa.
50Saing nabu ulibu xai mana garagu haingdi kimbo nabu uyau haing xan tela, tauna ung bing uhatum xai heku ba lipu tela xabia kubolua kitam talibu Urana ina bagu xai kitam kubolura longgalo.”
51Saing Leban bala Yekop muli ba, “Ubagu alali, siang maxaxaya li wa, saing ubagu xauna alali siang haxurunga nga ngahaxuru liwe mana kitam.
52Alali siang haxurunga saing alali siang maxaxaya, bagula alaba wa bila ragu mana kitam talibu. Binabu nga sanga ba ngalaxua ragua saing nga mala ngahaung ranguaung te. Saing ung sanga ba uma uhaung rangua nga te.”
53Saing Leban ina uxu yaya mana Urana mana ding mugangadinga mana ding saing daharua ba, “Urana mana Yekop Ebraham saing Urana mana Naho, ina bagula suxuya kitam kuboluradi.” Tauna ina ta bilinga mana Urana yanoa, ina Urana tibuna mana Aisak xabia saing sabu mana.
54Saing ina libu yahanga mana Urana etua mana bimbia li saing ina wagi ina bakbagindi saing dima daxang mututungana mana yahanga ba ding daxang masup saing ding dikinu bimbia yambong.
55Mana buraragina sibuna Leban sina halingua na garang haingdi saing mana garang mugadi saing harua haringina nadi mana binabu ina yungadi saing ila muli yabania.
